Lajme

“Superpastruesja” që “zhvati” VIP-at, 400 mijë eurot pa zot, zyrtarja nën hetim

Autori: Gazeta inFokus 18:06 | 09 January 2023

Rozeta dhe djali i saj Havier Bode u arrestuan dy ditë më parë pasi vodhën 120 mijë euro nga banesa e Alda Klosit.

Kjo e fundit kishte punuar më parë për një periudhe kohe të kosiderueshme si Këshilltare e Ministrit për Rindërtimin, Arben Ahmetaj.

Mësohet se në kuadër të çështjes së grabitjes po hetohet origjina e parave të vjedhura në banesën e Klosit nga Seksioni i Posaçëm kundër korrupsionit në Prokurorinë e Tiranës. Mendohet se vjedhja ka ndodhur në datën 15 dhjetor të 2022-shit. Ishte pikërisht Klosi që ka bërë denoncimin në polici më 15 dhjetor, ndërkohë banesa ku është kryer vjedhja ishte marrë nga ajo me qira.

-Advertisement-

Përveç asaj të zyrtares Alda Klosi nënë e bir dyshohet se kanë grabitur 4 banesa të familjeve VIP, ku Rozeta punonte si pastruese.

Policia kreu një tjetër kontroll në banesën e 49-vjeçares një ditë më parë dhe iu gjeti në tubin e aspirimit edhe 404 800 euro, 8500 dollarë dhe aksesorë floriri, të cilat tashmë janë sekuestruar nga policia.

Për 400 mijë eurot e fshehura në tubin e aspiratorit, nënë e bir u zbuluan nga përgjimet në të cilat folën me njëri-tjetrin, supozohej, me kode por në një moment, i biri i pastrueses, Havier Dodi është shprehur se ishin me fat që nuk i kishin gjetur lekët e tjera.

Rozeta Dobi së bashku me të birin pasi vodhën paratë, kanë blerë edhe 2 makina Benz, të cilat 23-vjeçari i reklamonte në rrjetet sociale.

Ditën e sotme me kërkesë të prokurorisë, gjykata e Tiranës caktoi ndaj tyre masën e sigurisë “arrest në burg” për akuzën e “vjedhjes me pasoja të rënda”. Të dyshuarit qepën gojën para gjykatës, duke mos dhënë asnjë deklarim, ndërsa avokati kërkoi një masë më të butë sigurie.

Alda Klosi në dëshminë e saj ka deklaruar se paratë i kishte të xhaxhait dhe nuses së xhaxhait i cili i’a ka lënë për të kompletuar shtëpinë e tyre dhe për nevoja të tyre pasi xhaxhanë e ka të sëmurë me kancer dhe për çdo nevojë që do të kishte. Ajo ka treguar se djali i tyre ishte me probleme dhe këto lekë janë të mbledhura ndër vite nga ana e tyre pasi jetojnë në Amerikë dhe në këtë kohë ai po kurohet në Amerikë.

Subscribe në YouTube: GAZETA INFOKUSI
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme