“Superliga politike”: Ja klubet dhe partitë lidere
Autori: Gazeta inFokus 18:25 | 26 March 2020
Superliga e Kosovës në futboll dhe të gjitha ligat sportive në vend, janë pezulluar shkaku i parandalimit të përhapjes së coronavirusit, shkruan Gazeta inFokus.
Por, përderisa në mbarë botën vëmendja është se si të luftohet ky virus që e ka tronditur dhe izoluar globin, në Kosovë ditëve të fundit, politika ishte krye-temë.
Si askund tjetër, në ditët më kritike për popullin, deputetët e LDK-së, PDK-së, AAK-së, NISMËS dhe minoriteteve, zgjodhën që ta rrëzojnë “Qeverinë Kurti” me 82 vota për, 32 kundër dhe 1 abstenim.
Kritikat nga populli ishin të shumta, por nuk munguan as nga diplomatët e huajë, përveç Ambasadës Amerikane dhe Shtëpisë së Bardhë që e përkrahën rrëzimin e Qeverisë.
Kritika të shumta pati edhe nga komuniteti sportiv, e ku vlen të theksohet e kapitenit të Kombëtares së Kosovës, Amir Rrahmanit, i cili i dha përkrahje të madhe Albin Kurtit, tani kryeministër në detyrë.
Pas gjithë kësaj “hallakame”, Gazeta inFokus, ka bërë një analizë politike të ekipeve të Superligës dhe qyteteve prej nga vijnë.
Infokusi ka nxjerr partitë lidere në qytete e ekipeve të Superligës në Zgjedhjet e 6 Tetorit si dhe emrat e kryetarëve të Komunave dhe partitë që ata u takojnë.
Në zgjedhjet e fundit, shihet një rritje e madhe e Lëvizjes Vetëvendosje, e cila nga 10 Komunat prej nga vijnë skuadrat e Superligës, në 5 prej tyre ka dal fitues, duke i lënë LDK-në e PDK-në me nga dy Komuna, kurse AAK-ja me vetëm një, shkruan Gazeta inFokus.
Sa u përket kryetarëve të Komunave të ekipeve të Superligës,, PDK-ja dhe AAK-ja, udhëheqin me nga dy Komuna, kurse LDK-ja tani ka vetëm një, pasi Agim Veliu ka dhënë dorëheqje nga posti i kryetarit të Podujevës, dhe ende nuk janë mbajtur zgjedhjet.
Ndërkaq, Bekim Jashari në Skenderaj është kryetar si kandidat i pavarur, kurse Shpend Ahmeti që ishte pjesë e LVV-së, ka dal nga ajo parti, siç ka bërë edhe Agim Bahtiri, i cili nga AKR-ja ka kaluar në LVV.
Komuna e Suharekës, prej nga vjen edhe lideri i Superligës, Ballkani, udhëhiqet nga kryetari Bali Muharremaj, i cili vjen nga AAK-ja. Por, në zgjedhjet e fundit, ka qenë LDK-ja parti e parë.
Nga Gjilani, kemi dy klube, Dritën që është e dyta dhe Gjilanin që zë vendin e katërt. Në këtë Komunë, kryetar është Lufti Haziri i LDK-së, por në zgjedhjet e fundit, ishte Lëvizja Vetëvendosje që doli partia më e votuar.
Lëvizja Vetëvendosje në krye me Albin Kurtin, në zgjedhjet e fundit doli fituese edhe në Prishtinë, qytet që i ka dy ekipe në Superligë, Prishtinën dhe Flamurtarin. Ndërkaq, kjo Komunë drejtohet nga Shpend Ahmeti, i cili u bë kryetar si anëtarë i LVV-së, por më pas u largua për të kaluar te PSD-ja.
Më poshtë, Gazeta inFokus, ua sjellë kryetarët e 10-të Komunave, prej nga vijnë skuadra e elitës së futbollit të Kosovës si dhe rezultatet e Zgjedhjeve të 6 Tetorit.
Thuhet se sporti dhe politika nuk duhet të jenë afër njëra tjetrës, por në Kosovë, shumica e klubeve ende vazhdojnë të jenë të kapura nga politika./Gazeta inFokus/
KRYETARËT E KOMUNAVE TË EKIPEVE TË SUPERLIGËS:
SUHAREKË – BALLKANI: BALI MUHARREAJ – AAK
GJILAN – DRITA E GJILANI – LUTFI HAZIRI – LDK
PRISHTINË – PRISHTINA DHE FLAMURTARI: SHPEND AHMETI – (Kryetar u zgjodh si kandidat i LVV-së)
DRENAS – FERONIKELI – RAMIZ LLADROVCI – PDK
PODUJEVË – LLAPI – PA KRYETAR – AGIM VELIU – LDK (Ka dhënë dorëheqje, ende nuk janë mbajt zgjedhjet)
SKENDERAJ – DRENICA – BEKIM JASHARI (Kandidat i pavarur)
MITROVICË – TREPÇA ’89 – AGIM BAHTIRI (Nga AKR ka kaluar në LVV)
FERIZAJ – FERIZAJI – AGIM ALIU – PDK
VUSHTRRI – VUSHTRRIA – XHAFER TAHIRI – LDK
KLINË – DUKAGJINI – ZENUN ELEZAJ – AAK
REZULTATE NË ZGJEDHJET PARLAMENTARE, 6 TETOR 2019:
SUHAREKË – KF BALLKANI (LDK 35.853%, AAK-PSD – 20.376 %)
GJILAN: FC DRITA DHE SC GJILANI (LVV 40.25 %, LDK 27.03%)
PRISHTINË – FC PRISHTINA DHE KF FLAMURTARI (L VV 37.678%, LDK 31.831%)
DRENAS – KF FERONIKELI (PDK 65.48%, LVV 11.32%)
PODUJEVË – KF LLAPI (LDK 37.933% – VV 35.000%)
SKENDERAJ – KF DRENICA (PDK 75.986 %, LVV 7.790%)
MITROVICË – KF TREPÇA ’89 ( LVV 34.373 %, PDK 34.183%)
FERIZAJ – KF FERIZAJ ( LVV 34.688%, PDK 25.415%)
VUSHTRRI – KF VUSHTRRIA (LVV 33.753%, PDK 28.321%)
KLINË – KF DUKAGJINI – (AAK-PSD 27.324 %, LDK 27.002 %)./Gazeta inFokus/
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...