Lajme

Superekspertiza la fajtor Rozeta Hajdarin, avokati i Ministres kërkon që të njëjtit të ftohen për dëshmi në Gjykatë

Autori: Gazeta inFokus 12:44 | 09 October 2023

Në Gjykatën Themelore të Prishtinës sot është mbajtur seanca gjyqësore ndaj ministres së Industrisë, Ndërmarrësisë dhe Tregtisë, Rozeta Hajdari për aksidentin ku kishte goditur me veturë një fëmijë.
Me kërkesë të avokatit të ministres, Shemdi Bunjaku, seanca është zhvilluar e mbyllur për media, pasi sipas tij kjo seancë ka të bëjë me rastin e aksidentit me të mitur.

Ndërsa pas përfundimit të seancës, ai ka arsyetuar kërkesën për mbajtjen e seancës pa praninë e medieve.

Ai ka thënë se kjo është bërë duke respektuar Ligjin për mbrojtjen e fëmijëve, krejt me qëllim të mbrojtjes së të miturës që ishte aksidentuar nga ministrja.

-Advertisement-

Më tutje avokati i Ministres Hajdari ka sqaruar se pasi kanë pranuar superekspertizën e aksidentit i kanë kërkuar Gjykatës që në seancë të dëshmojnë grupi i ekspertëve.

“Gjykata e aprovoi kërkesën tonë dhe e mbylli seancën, pastaj filluam dhe në seancë u deklaruam se e kemi pranuar superekspertizën për të cilën i propozuam Gjykatës që të jetë grupi i ekspertëve në seancë dhe ta shpjegojë”.

Ndërsa vetë Ministrja pas përfundimit të seancës në një prononcim të shkurtër ka thënë se sot nuk është marrë ndonjë vendim.

Subscribe në YouTube: GAZETA INFOKUSI