Lajme

Sulmi seksual në Prishtinë, një muaj paraburgim për dy të dyshuarit

Autori: Gazeta inFokus 15:47 | 01 Shtator 2022

Gjykata Themelore në Prishtinë, ka njoftuar se ka vendosur masën e paraburgimit për dy persona të cilët dyshohet se kanë kryer veprën penale “Sulm Seksual”, shkruan Gazeta Infokus.

Sipas vendimit të gjykatës të pandehurit A.G dhe B.G, u është caktuar masa e paraburgimit me nga një muaji.

“Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit A.G për shkak të veprës penale Sulmi seksual nga neni 229 paragrafi 1 lidhur me paragrafi 3.7 të KPRK-së dhe të pandehurit B.G për shkak të veprës penale Ndihmë në kryerjen e veprës penale Sulmi seksual nga neni 33 të Kodit Penal të Republikës së Kosovës. Gjyqtarja e procedurës paraprake kërkesën e Prokurorisë për caktimin e masës së paraburgimit kundër të pandehurve A.G dhe B.G e ka aprovuar si të bazuar dhe të njëjtve ju ka caktuar masën e paraburgimit në kohëzgjatje prej 1 (një) muaji, për secilin veç e veç”, thuhet në njoftim.

-Advertisement-

Po ashtu kanë bërë të ditur se gjyqtarja e procedurës paraprake kërkesën e Prokurorisë për caktimin e masës së paraburgimit kundër të pandehurve A.G dhe B.G e ka aprovuar si të bazuar dhe të njëjtëve ju ka caktuar masën e paraburgimit në kohëzgjatje prej një muaji, për secilin veç e veç.

“Gjyqtarja e procedurës paraprake vlerësoi se ekzistojnë bazat dhe arsyet për caktimin e masës së paraburgimit, ngase ekziston dyshimi i bazuar mirë se të pandehurit kanë kryer veprat penale, ndikimi në të dëmtuarën dhe në dëshmitarët dhe rreziku i përsëritjes së veprave penale, në veçanti pesha e rëndë e veprave penale, e të gjitha së bashku kanë plotësuar bazën ligjore për caktimin e kësaj mase kundër të pandehurve”, thuhet tutje në njoftim./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy