Lajme

Sulmi në Manchester, prindërit bëjnë apel për fëmijët e tyre të humbur (Foto)

Autori: Gazeta inFokus 13:59 | 23 Maj 2017

Vetëm pak orë pas sulmit të tmerrshëm në “Manchester Arena”, ku humbën jetën 22 persona dhe u palgosën rreth 59 të tjerë, tashmë prindër dhe miq të të pranishmëve të sulm, kanë dalë në kërkim të të dashurve të tyre të cilët rezultojnë të humbur.

Sipas mediave lokale të rinjtë e humbur janë Chloe Rutherford, 17 vjeçe, Liam Curry 19 vjeçe , Martyn Hett 29 vjeç, Laura MacIntyre, Eilidh MacLeod, Courtney Boyle, Philip Tron dhe 15-vjecarja Olivia Campbell.

Prindërit e të rinjve, të cilët janë të shqetësuar për fatin e tyre kanë shpërndarë hashtag në rrjetet sociale me emrin #missinginManchester, që kush ka informacion për ta t’i ndihmojë.

-Advertisement-

“Hera e fundit që fola me vajzën ishte ora 20:30 ajo ndodhej në koncert dhe po argëtohej shumë dhe më falënderoi që e lejova të shkonte”, ka thënë e përlotur nëna e Olivias.

Ndërkohë, kryeministrja Theresa May shprehu ngushëllimet për të gjithë të lënduarit për atë që po trajtohet si sulm terrorist nga policia. Shërbimet Emergjente thanë se rreth 59 persona janë dërguar në spitale me plagë pas shpërthimit.