Lajme

Sulmi me thikë në Londër, vdesin dy nga të plagosurit

Autori: Gazeta inFokus 22:11 | 29 November 2019

Disa njerëz u theren me thikë, ndërsa sulmuesi u qëllua për vdekje nga policia, gjatë një sulmi në një urë të Londrës. Deri më tash raportohet të kenë vdekur dy persona si rezultat i plagëve të marra nga sulmi me thikë në Urën e Londrës.

Policia Metropolitane e shpalli sulmin “incident terrorist”.

I dyshuari për sulmin me thikë, i cili u vra në vendin e ngjarjes vetëm pasi sulmoi disa të tjerë me thikë, dy nga të cilët tashmë kanë vdekur. Besohet se ka pasur veshur në trup edhe një pajisje eksplozive, tha policia.

-Advertisement-

Një gazetar i BBC-së tha se ka parë një grindje në urë dhe disa njerëz duke sulmuar një tjetër.

Policia më pas arriti shpejt në vendin e ngjarjes, tha gazetari.

Policia i këshilloi njerëzit pranë vendit të ngjarjes që t’i ndjekin udhëzimet e autoriteteve.

Kryeministri i Britanisë, Boris Johnson, shkroi në Tëitter se është njoftuar në lidhje me incidentin dhe se dëshiron të falënderojë policinë dhe shërbimet e emergjencës për reagimin e tyre.

Sekretarja e Brendshme britanike, Priti Patel, po ashtu tha se është “shumë e shqetësuar” për incidentin.

Subscribe në YouTube: GAZETA INFOKUSI

Të tjera

Fokusi

lajme