Lajme

Sulmet ndaj Policisë, Krasniqi: Akt kriminal dhe i pa tolerueshëm

Autori: Gazeta inFokus 15:38 | 15 April 2022

Kryetari i Partisë Demokratike të Kosovës, Memli Krasniqi, ka reaguar sot pas katër sulmeve që i janë bërë Policisë së Kosovës në veri të vendit.

Krasniqi thotë se këto sulme janë të pa tolerueshme dhe të akteve kriminale që kanë për qëllim cenimin e rendit dhe ligjit, njofton Klankosova.tv.

“Sulmi ndaj Policisë së Kosovës afër pikave kufitare me Serbinë, është akt kriminal dhe i pa tolerueshëm që për qëllim ka cenimin e rendit të ligjit për dobi të kriminelëve, në një kohë kur Kosovës i duhet stabiliteti e siguria, ndërsa mohuesve të sovranitetit tonë iu konvenon trazira dhe provokimi i paqes. Që të dy këto qëllime, janë e do mbesin të paarritshme kundër shoqërisë tonë multietnike e shtetit tonë sovran dhe të pavarur”.

-Advertisement-

I pari i PDK-së ka ftuar organet e rendit dhe ligjit që sa më shpejt të ndriçojnë rrethanat e këtyre akteve.

“I ftojmë organet e rendit dhe ligjit që sa më parë të hetojnë dhe ndriçojnë rrethanat e këtij akti kriminal, si dhe t’i japin përgjigje meritore çdo përpjekjeje që cenon Kosovën dhe sovranitetin e shtetit tonë” ka shkruar Krasniqi në Facebook.

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme