Lajme

Sulmet ndaj gazetarëve në Leposaviq, Kurti: Gazetaria e Kosovës i shërben demokracisë dhe transparencës

Autori: Elvira Haxhiu 21:05 | 16 June 2023

Kryeministri i Kosovës, Albin Kurti, ka reaguar pas sulmeve ndaj gazetarëve të disa mediave kosovare sot në Leposaviq, shkruan Gazeta Infokus.

Përmes një postimi në Facebook, i pari i qeverisë ka thënë se grupet ekstremiste që po kontrollohen nga Beogradi nuk e durojnë dot as policinë e as gazetarët.

“Policia e Kosovës i shërben drejtësisë dhe ligjit, gazetaria e Kosovës i shërben demokracisë dhe transparencës”

-Advertisement-

“Kameramani Bardh Bekteshi dhe gazetarja Dorentina Thaqi, kanë pësuar lëndime në kokë dhe trup. Kameramanët tjerë, Albin Rrahmani dhe Ardijan Shala kanë pësuar lëndime në trup. Në këmbë janë lënduar gazetaret, Laura Kerolli e Qendresa Sinani, kurse në krah ka marrë lëndime gazetari Pleurat Salihu”, ka shkruar Kurti.

Gjithashtu, Kurti ka uruar shërim të shpejtë për kameramanët dhe gazetarët.

“Ftojmë institucionet dhe diplomatët ndërkombëtarë të mbajnë qëndrim, dhe të mbështesin institucionet e Kosovës që të sjellin para drejtësisë të gjithë sulmuesit e Policisë së Kosovës, KFOR-it e sidomos gazetarëve”, ka përfunduar ai./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy