Lajme

Sulm ndaj vajzave? Helmohen qindra studente iraniane

Autori: Gazeta inFokus 19:32 | 28 February 2023

Rreth 650 vajza në Iran kanë rënë pre e një helmimi me gaz, në më shumë se 30 shkolla të vendit.

Sipas raportimeve, autoritetet lokale që fillimisht i mohuan incidentet, tani i cilësojnë ato si sulme të qëllimshme.

“Ndiej dhimbje në gjoks dhe kur eci më dridhen këmbët”, mësohet se ka deklaruar një studente.

-Advertisement-

“Kur ngrihem më merren mendtë dhe i gjithë trupi ndihet i mpirë. Kjo më pengon të eci”, shprehet një tjetër.

Në disa raste helmimet kanë qenë masive dhe kanë lënë në një rast të vetëm 50 deri në 80 studente të sëmura, të cilat janë shtruar në spital.

Deri tani nuk është bërë e ditur asnjë vdekje mes të rejave. Disa spekulojnë se objektivi i këtyre sulmeve mund të jetë mbyllja e shkollave të vajzave.

Ato vijnë pasi protestat masive anti-qeveritare që nisën shtatorin e kaluar pas vrasjes së 21-vjeçares Mahsa Amini kanë humbur fuqinë e tyre, pas ekzekutimit të disa protestuesve.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme