Lajme

Sulm ndaj konvoit të NTAO-s, 3 të plagosur

Autori: Gazeta inFokus 14:22 | 11 September 2017

Një kamikaz e ka sulmuar me bombë një konvoi të misionit të udhëhequr nga NATO në Afganistan, duke plagosur të paktën tre civilë, njoftojnë zyrtarët.

Nuk është ende e qartë nëse ka të vdekur apo plagosur në mesin e trupave që ishin në konvoi, i cili u sulmua afër fushës së aeroplanëve “Bagram”, pranë kryeqytetit Kabul, transmeton Express.

Zyra e misionit të NATO-s “Resolute Support” në Kabul ka thënë se është në dijeni të sulmit dhe se do të publikojë detaje rreth tij sapo t’i ketë në dispozicion informatat.

-Advertisement-

Guvernatori i kësaj rrethine Abdul Shukor Qodossi ka thënë se të paktën tre civilë janë plagosur dhe një automjet është dëmtuar.

Ndërkohë, militantët talibanë kanë thënë se 13 amerikanë janë vrarë dhe 11 të tjerë janë plagosur dhe se tri automjete të blinduara janë shkatërruar.

Subscribe në YouTube: GAZETA INFOKUSI