Lajme

Sulm me makinë bombë, 24 persona të vrarë

Autori: Gazeta inFokus 08:10 | 24 Korrik 2017

Një zyrtar i Ministrisë së Punëve të Brendshme, ka thënë se të paktën 24 persona janë vrarë dhe 42 të tjerë janë plagosur, në atë që është përshkruar si sulm vetëvrasës me makinë bombë në Kabul.

Zëdhënësi i Ministrisë së Brendshme, Najib Danish, i ka thënë agjencisë AFP, se shpërthimi ka ndodhur në mëngjesin e sotëm në pjesën perëndimore të Kabulit dhe “ka goditur një autobus, i cili po bartte punëtorët e ministrisë së Minierave”.

Sipas tij, autobusi është shumë i djegur, mirëpo nuk ka konfirmuar nëse të gjithë të prekurit nga sulmi kanë qenë punëtorë të qeverisë.

-Advertisement-

Shkaqet e këtij shpërthimi, që ka ndodhur mëngjesin e sotëm nuk janë bërë të ditura.Në zonën ku ka ndodhur sulmi banojnë hazaratë, pakicë etnike shiite në Afganistan.Pjesëtarët e këtij grupi kanë qenë cak i sulmeve nga talibanët dhe grupe tjera ekstremiste sunite në Afganistan dhe Pakistan.

Askush deri më tash nuk e ka marrë përgjegjësinë për sulmin.