Opinione

Sulluku që s’na u hoq – tyneherë nga sarajlia/bakllava e sot nga facebook – sytë kuduç

Autori: Gazeta inFokus 20:30 | 03 May 2022

Tuneherë kur varfëria ishte e vetmja pasuri e shqiptarëve, prindi im i ndjerë dhe gjenerata e tij shpesh na rrëfenin për gjendjen e tmerrshme pas Luftës së Dytë Botërore, pra për urinë e asaj kohe.

Shkruan: Agron HOTI

Kur njerëzia në Ratkoc e rrethinë – meqë mungonte sheqeri e gjësendet e ëmbla – për festën e Bajramit po hanin aq shumë ushqime saqë zglloheshin (mezi merrnin frymë nga tejngopja, thjeshtë mbesnin ratë/shtrirë).

-Advertisement-

Më e papërballueshme – siç rrëfente prindi dhe tërë gjenerata e tij – ishte zgllohja kur festa e Bajramit qëllonte verës dhe kur njerëzia nga fukarallëku piqeshin në pikë të verës të veshur me rroba zhguni e qeleshe se s’kishin levis e hugo boss tyneherë.

Imagjinoni temperatura 40 gradë, zgllohja me brumëra, yndyrë buallice e gjësende të tejyndyrosyra, e në fund sarajli/bakllavë, e kur t’i rrokte more baca i vet njerëzinë sulluku n’tana anët, be e rrfe bënin ajo gjeneratë tymi u dilte njerëzve, ndaj s’kishin tjetër shtetgdalje shpëtimi përpos shkuarjes pranë Drinit të Bardhë, shkarravitjes ca në rërë shkaku i sullukut dhe shpejtë e shpejtë gjuajtjes me rroba në Dri të Bardhë çklluumm për t’u shymur (fikur) nga tmerri i ushqimit pa kontrollë. Duhej ndejtur tërë ditën e lume në Dri të Bardhë për t’u stabilizuar ca deri në mbrëmje.

Sa me fat thoshnin të kishin qenë që kishin pasur Drinin e Bardhë në Ratkoc e rrethinë, sepse nëpër vende ku s’kishte pasur ujë, ndodhte që njerëzia të përfundonin në spital apo të vdisnin në rastin më të keq si rezultat i zgllohjes me ushqime pa kontrollë.

E sot more jaran vjen dita e bajramit, standardi jetësor si n’Allamon, kush s’hanë gjë, t’i kapin dramafilat n’brina e hajtë bacë në Shqipëri, rajon e Evropë, thjeshtë komplet ndryshe. Por, sulluku si atëherë që vinte nga zgllohja sot vjen nga facebook, sepse e sheh njeriun që edhe veshët i janë skuqur nga ndonjë ballafaqim komentesh në facebook, e të cilin sulluk facebukesk sot jo Drini i Bardhë po as Oqeani Atlantik s’e shym/fik. Respekt motra e vllazni!

Subscribe në YouTube: GAZETA INFOKUSI

Të tjera

Fokusi

opinione