Lajme

Suedia lëshon raketë drejt Norvegjisë, ”ndizen gjakrat” mes dy vendeve

Autori: Gazeta inFokus 12:01 | 26 Prill 2023

Norvegjia nuk e priti mirë lëshimin e një rakete kërkimore suedeze e cila nuk funksionoi siç duhet, e ra brenda territorit të saj.

Raketa e nisura nga Sweden Space Corp, SSC nga qendra hapësinore Esrange në veri të Suedisë, arriti një lartësi prej 250 kilometrash ku eksperimentet u kryen në gravitetin zero. Pas kësaj, ajo ra në tokë 40 km larg zonës së planifikuar së rrëzimit dhe vetëm 10 kilometra nga vendbanimi më i afërt.

Askush nuk u lëndua, e nuk pati as dëme materiale, por Oslo u ankua për situatën dhe faktin që autoritetet suedezë nuk e njoftuan në kohë për lëshimin.

-Advertisement-

Kreu i komunikimeve të saj, Philip Ohlsson, tha se po e marrin çeshtjen shumë seriozisht dhe po verifikojnë arsyet e devijimit të raketës. Por edhe pse qendra pretendon se autoritetet e të dyja vendeve u kontaktuan menjëherë pas episodi, ministria e jashtme norvegjeze pretendon se nuk u informua siç duhet as për vendin ku duhet të binte raketa, as për rekuperimin apo ngarkesën e saj.

Ajo foli për shkelje të kufirit, e theksoi se kur ndodh një gjë e tillë, është thelbësore që “autoritetet norvegjeze të njoftohen përmes kanaleve të duhura”.

“Puna në territorin norvegjez për të shpëtuar çdo mbetje të pajisjes kërkon gjithashtu pëlqimin paraprak”, nënvizohej në njoftim.

Raketa, e njohur si Texus-58, është pjesë e një program europian të mbikqyrur nga Agjencia Europiane e Hapësirës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy