Sport

Suarez flet sërish për largimin nga Barcelona: Meritoja respekt

Autori: Gazeta inFokus 13:16 | 23 February 2021

Luis Suarez u largua nga Barcelona, gjatë verës së kaluar, shkruan Gazeta inFokus.

Uruguaiani arriti marrëveshje me Atletico Madridin, aty ku tashmë është duke kaluar formë mjaft të mirë.

Por, në një intervistë të dhënë së fundmi për ‘France Football’, 34 vjeçari foli sërish për largimin e tij nga ‘Camp Nou’.

“Sikur të mos kisha arritur asgjë në një klub si Barça për tri apo katër sezone, do t’i kuptoja. Por, çdo vit në Barçë, unë i shënoja më shumë se 20 gola në sezon. Gjithmonë kam pasur statistika të mira, i dyti pas Leo Messit. Rrethanat kanë ndryshuar në Barçë dhe klubi kishte nevojë për ndryshim. E pranoj këtë. E vetmja gjë që më pengon është sesi ndodhi. Meritoja respekt”, ka deklaruar ‘El Pistolero’.

Kujtojmë që Suarez u largua nga Barcelona pas gjashtë viteve./Gazeta inFokus/

Të tjera