Shishet e foshnjave që janë bërë me polipropilen mund të lëshojnë deri në 16 milionë grimca të mikroplastikës për litër.

Ushqyerja e foshnjave me shishe është mënyra më e zakonshme për të ushqyer të vegjlit, veçanërisht në një shoqëri shumë të zënë. Sidoqoftë, mund të ketë rrezik që fshihet rreth qosheve. Kërkimet e fundit treguan se nivele të larta të mikroplastikës rrjedhin nga shishet e foshnjave.

Një studim i botuar në revistën Nature Food me titull, zbuloi se shishet e ushqimit për foshnje të bëra nga polipropileni lëshojnë disa miliona grimca për litër mikroplastikë. Kur këto shishe ekspozohen ndaj ujit me temperaturë të lartë dhe sterilizohen, ato lëshojnë sasi shumë më të larta të mikroplastikës.

Në mënyrë që të vlerësojnë ekspozimin e foshnjave deri në 12 muaj të vjetër në mikroplastikë, studiuesit nga Trinity College në Dublin anketuan 48 vende. Ata zbuluan se shishet e bebeve që ishin bërë me polipropilen mund të lëshonin deri në 16 milionë grimca të mikroplastikës për litër. Nëse bëhet fjalë për nanoplastikë, të cilat kanë përmasa më të vogla, sasia shkon në triliona.

Një tjetër zbulim kryesor i studiuesve ishte se sterilizimi në ujë të nxehtë mund të rrisë ndjeshëm numrin e mikroplastikës së lëshuar nga shishet. Studiuesit vlerësuan se kur temperatura rritet nga 25 në 95 gradë Celsius, numri i mikroplastikës të lëshuara rritet nga 0.6 milion në 55 milionë grimca për litër.

Përveç shisheve për të ushqyer foshnjat, produktet e tjera të bëra me polipropilen si kazanët dhe kutitë e drekës lëshojnë gjithashtu nivele të ngjashme. Rajonet me nivelet më të larta të ekspozimit ditor ndaj mikroplastikës ishin në Amerikën e Veriut, Evropë dhe Oqeani, të lidhura me më shumë se një milion mikroplastikë çdo ditë. Studiuesit vunë në dukje se rrjedhja mikroplastike mund të reduktohet ndjeshëm duke modifikuar përgatitjen e formulës dhe procedurat e sterilizimit.

Studiuesit rekomanduan mënyra se si të përgatisin formulën dhe të sterilizojnë shishet e ushqimit të foshnjave. Uji i sterilizuar mund të përgatitet duke përdorur kazan ose tenxhere qelqi ose inoks. Pastaj, përdorni ujë të sterilizuar në temperaturë dhome për të shpëlarë shishet e sterilizuara. Bëni këtë tri herë të paktën.

Për përgatitjen e formulës, uji duhet të zihet duke përdorur një kazan jo-plastik. Formula e foshnjës duhet të përgatitet në një enë jo-plastike duke përdorur ujë në një temperaturë prej 70 gradë Celsius. Pas kësaj, uji duhet të ftohet në temperaturën e dhomës, atëherë formula e përgatitur mund të transferohet në një shishe për të ushqyer foshnjat e bërë nga plastike me cilësi të lartë.

Profesori John Boland, një nga autorët e studimit, u bëri thirrje politikëbërësve të rivlerësojnë udhëzimet ekzistuese të përdorura për përgatitjen e formulës së foshnjave duke përdorur shishe plastike të ushqimit.