Lajme

Studentët kërkojnë hapjen e bibliotekave

Autori: Gazeta inFokus 13:41 | 21 August 2020

Me moton “Pse kafet po e bibliotekat jo”, Lëvizja studentore Studim, Kritik Veprim përmes një aksioni simbolik ka reaguar ndaj vendimeve të qeverisë rreth mbylljes së bibliotekave, për shkak të pandemisë.

Berita Abazi, nga kjo organizatë, ka kritikuar qeverinë dhe Ministrinë e Arsimit për mungesë planifikimi në raport me sistemin arsimor.

Derisa ka adresuar thirrje tek institucionet përkatëse për hapjen e bibliotekave, ajo shtoi se një gjë e tillë është shumë e nevojshme në këtë kohë kur dhe afatet e provimeve janë afruar.

-Advertisement-

“Jemi mbledhur para MASH për të zhvilluar një aktivitet që vë në dukje një paradoks dhe mos planifikim të madh të kësaj qeverie. Çfarë kuptimi ka që të lejohen kafenetë dhe të mos lejohen bibliotekat, të hapen vende ku për nga natyra shkohet më me shumë persona ndërsa në bibliotekë vetëm me librin… Ne kemi një kërkese që të hapen edhe bibliotekat, tashmë po afron viti i ri akademik dhe ende si studentë jemi të hutuar nga mungesa e planifikimit që kjo qeveri dhe MASH e kanë në raport me sistemin jo vetëm të lartë arsimor”, ka thënë ajo.

Sipas saj, nëse kërkesat e tyre nuk realizohen, do të vazhdojnë me aksione të tilla simbolike.

Ky aktivitet është mbajtur në të gjitha komunat në të cilat ka universitete publike.

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Të tjera