Lajme

Stoltenberg: Kohë kritike për luftën në Ukrainë, duhet mbështetje e vazhdueshme

Autori: Gazeta inFokus 11:21 | 15 June 2023

Sekretari i përgjithshëm i NATO-s, Jens Stoltenberg, ka thënë se ministrat e mbrojtjes takohen sot në një kohë kritike në një “botë më të rrezikshme”.

“Ukraina ka nisur një kundërofensivë, ajo që ne shohim janë luftime të ashpra. Është ende herët, por ne gjithashtu shohim se ukrainasit po bëjnë fitime dhe se Ukraina është në gjendje të çlirojë tokat e pushtuara. Lufta në Ukrainë thjesht tregon nevojën për të qëndruar me Ukrainën” dhe për mbështetje të vazhdueshme.”- tha ai.

Sipas mediave të huaja, ai theksoi mbështetjen që aleatët e NATO-s i kanë dhënë Ukrainës “për shumë muaj në fakt bën një ndryshim në fushën e betejës”.

-Advertisement-

Anëtarët e NATO-s gjithashtu planifikojnë të forcojnë shpenzimet e mbrojtjes.

Sot ata do të takohen me anëtarët e industrisë së mbrojtjes dhe do të bien dakord në takim për “objektivat e reja të aftësisë” për të siguruar municione të mjaftueshme, të cilat ai tha se do të jenë “dukshëm më të larta” se më parë.

“Ukraina ka nevojë për shumë lloje të ndryshme mbështetjeje”, por fokusi do të jetë në qëndrueshmëri, ka thënë më tej Stoltenberg.

Subscribe në YouTube: GAZETA INFOKUSI