Lajme

Stema e UÇK-së që do mbrohet me ligj nuk është origjinalja

Autori: Gazeta inFokus 11:52 | 19 October 2020

Emblemat e para të UÇK-së ishin shtypur në një fabrikë tekstili në Zvicër.

Deri në Kosovë emblemën e UÇK-së, ishte përcjellë me vështirësi të njëjta sikurse edhe armatimi që hynte për ushtarët e UÇK-së.

Stema e UÇK-së, që ishte dizajnuar nga Adnan Asllani, ishte bartur edhe nga Adem Jashari.

-Advertisement-

Sipas nenit 3 të Ligjit për Mbrojtjen e Vlerave të Luftës së UÇK-së ku flitet për vlerat e luftës, pika 1.7 thotë se vlerë e mbrojtur e luftës se Ushtrisë Çlirimtarë të Kosovës, është Stema e UÇK-së. Pamja e stemës është vendosur në shtojcën e projektligjit.

Por stema që është vendosur në mbrohet me ligj, nuk është  e njëjta me atë që e kanë mbajtur ushtarët e UÇK–së.

Hartuesit e projektligjit për Mbrojtjen e Vlerave të Luftës së UÇK-së kanë vendosur të mbrojnë me ligj një version që nuk dallon shumë nga versioni origjinal i stemës që kanë bartur ushtarët e UCK-së, por megjithatë ka dallime.

Hartuesit e këtij ligji nuk kanë marr fare iniciativë ta kontaktojnë dizajnuesin e emblemës së UCK-së, aktivistin Adnan Asllani.

“Jo nuk kam pasur kontakt me ta. Të them të drejtën nuk e kam pa projektligjin, copëza nëpër internet kam pa, por jo komplet”, ka thënë Asllani i kontaktuar lehtësisht nga InFokusi.

Asllani i ka ofruar gazetës Infokus një kopje të stemës së punuar nga ai dhe e cila është bartur në uniformat e ushtarëve.

“Me kënaqësi do tua dërgoja edhe hartuesve të ligjit siç ta dërgova edhe ty, ashtu si është punuar stema që e kanë bartur ushtaret e UÇK-së”, thotë Asllani.

Në stema dallon shkronja Ç që tregon se nuk është përdorur stema origjinale.

Ai nuk dëshiron të bëhet problematike çështja e mos përfshirjes së stemës origjinale në projektligj.

“Jo jo amblema nuk është falsifikuar. Pak ka rendësi a e ka formën ashtu apo kështu shkronja Ç, ajo nuk dallon në formë nga ajo që është punuar, forma është po ajo. pak njerëz e vërejnë këtë gjë, se nuk janë bere atëherë me këso kriteresh të sotme”.

Se a do të marrin mundin ligjbërësit për ta kontaktuar hartuesin e stemës së UCK-së, dhe të përmirësojnë këtë gabim, prit të shihet nëse kalon projektligji.

Gazeta Infokus ditë më parë ka raportuar se në këtë ligje deformime ka pësuar edhe Betimi i ushtarëve të UÇK-së./Gazeta Infokus/ 

 

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme