Sport

Statuja e Majlinda Kelmendit përurohet të premten

Autori: Gazeta inFokus 17:07 | 25 February 2020

Shtatorja e kampiones Olimpike kosovare, Majlinda Kelmendi, do të përurohet të premten (28 shkurt) në vendlindjen e saj, në Pejë.

Përurimin e shtatores do ta bëjë presidenti i Federatës Ndërkombëtare të Xhudos, Marius Vizer, i cili do të jetë i pranishëm edhe në ceremoninë e Laureatëve 2019, të organizuar nga Komiteti Olimpik i Kosovës më 27 shkurt, transmeton Gazeta Express.

Majlinda është sportistja e vetme e Kosovës me medalje Olimpike. Ajo fitoi të artën në kategorinë -52 kg të xhudos në Lojërat Olimpike RIO 2016.

-Advertisement-

Trajneri i saj, Driton Kuka, e kishte konfirmuar në korrik të këtij viti, përmes një postimi në rrjetin social Facebook, se Federata Botërore e Xhudos ka vendosur t’ia ndërtojë statujë Majlinda Kelmendit.

Kuka kishte thënë se “artistët më të njohur në botë janë ftuar për ta punuar statujën e bronztë për Kampionen tonë Olimpike!”.

Përkundër që kjo statujë po ndërtohet nga Federata Botërore e Xhudos, Kuka bëri të ditur se ajo do të vendoset në Kosovë dhe kërkoi sugjerime për lokacionin e saktë.

Pikërisht lokacioni ishte bërë problemi kryesor në këtë çështje, pasi që Driton Kuka thoshte se Komuna e Prishtinës s’i ka kthyer atij përgjigje qysh nga vera për lokacionin e statujës së Majlinda Kelmendit. Më vonë u vendos që ajo shtatore të ngrihet në Pejë.

Subscribe në YouTube: GAZETA INFOKUSI

Të tjera

Fokusi

sport