Lajme

Statovci i reagon fuqishëm deklaratës së Hisen Berishës “Deklaratë e panevojshme dhe e pavend”

Autori: Ermirë Berisha 16:45 | 31 July 2022

Deputetja e Vetëvendosjes nga Lista Guxo, Jeta Statovci, i është kundërpërgjigjur deklaratës së deputetit të PDK-së, Hisen Berisha, i cili në një seancë parlamentare ka thënë “Dhashtë Zoti që dikush që e ka gruan burrë të fortë të gjejë nga kjo shpëtim”, shkruan Gazeta inFokus.

“Ajo ishte tërësisht e panevojshme në një diçka të atillë që ishte shumë e rëndësishme për shoqërinë tonë si projekt investim në ekonomi, mirëpo edhe në shoqërinë tonë tek vajzat dhe gratë tona që kanë dëshmu se janë të jashtëzakonshme”, tha Statovci.

Deputetja në një intervistë për emisionin Gratë N’Fokus me Era Berishën, është shprehur se deklaratat e tilla janë të pavenda.

-Advertisement-

“Andaj tërësisht e panevojshme si deklaratë e pavend sepse kjo referenca në raport me burrin mendoj që deri vonë pikërisht nga ajo që thash kultura patriarkale kur forca primare e sunduese në një familje ka qenë burri e pastaj gjithçka tjetër në atë krahasimin me supremen ka qëndru ajo referencë mirëpo gratë tona e vajzat kanë dëshmu të jenë po aq të afta”, shtoi deputetja./Gazeta inFokus.

Ky emision është mundësuar nga Air Tiketa, kompania më e mirë e udhëtimit.

Subscribe në YouTube: GAZETA INFOKUSI

Të tjera

Fokusi

lajme