Zëdhënësi i BE-së, Peter Stano ka reaguar pas publikimit të raportit të OSBE OHDIR-it, i cili ka konstatuar shkelje të shumta në zgjedhjet e fundit në Serbi.

“Raporti për zgjedhjen e hershme parlamentare konfirmon shqetësimet procesi zgjedhor kërkon përmirësim të prekshëm dhe reforma të mëtejshme. Raportet e parregullsive duhet të trajtohen në mënyrë transparente, duke përfshirë ato që lidhen me zgjedhjet lokale”, ka shkruar Srano në X.

Stano ka shkruar se BE-ja mirëpret që autoritetet e Serbisë shprehën gatishmërinë për të punuar me ODIHR për zbatimin e rekomandimeve.

-Advertisement-

“Nuk ka kohë për të humbur përpara zgjedhjeve të ardhshme në vend”, ka theksuar ai.

Raporti i OSBE ODIHR-it, ka konstatuar se në zgjedhjet e fundit në Serbi ka pasur blerje votash, presione ndaj punonjësve, keqpërdorim të fondeve publike, retorikë të ashpër kundër oponentëve, dhe dominim nga presidenti Aleksandër Vuçiq. Me të gjeturat në raport, qeveria nuk pajtohet.

“Ky raport, pas disa muajsh jostabiliteti, i jep fund të gjitha gënjeshtrave për vjedhjen e zgjedhjeve. A pajtohemi me gjithçka që thuhet në këtë raport, sigurisht jo, por ne vazhdojmë të zbatojmë rekomandimet”, tha Ana Brnabiq, kryeministre e Serbisë.

Ne anën tjetër, koalicioni opozitar “Serbia kundër dhunës” bëri të ditur se raporti përfundimtar konfirmon të gjitha parregullsitë zgjedhore. Ata kërkojnë zgjedhje të reja e përmirësim të kushteve zgjedhore.

“Ky regjim prej 11 vitesh manipulon qytetarët, gjë që po e bën edhe tani. Raporti i ODIHR-it është një konfirmim i vjedhjes së zgjedhjeve. Të gjithë ata që po relativizojnë raportin sot janë bashkëpunëtorë të atyre që vodhën zgjedhje”, tha Miodrag Alleksiq, nga koalicionin “Serbia kundër dhunës”, theksuarn përfaqësuesit e opozitës.

Vëzhguesit vendorë dhe ndërkombëtarë vlerësuan se zgjedhjet ne Serbi nuk ishin demokratike dhe të lira, ndërsa Parlamenti Evropian kërkoi një hetim ndërkombëtar për parregullsitë e supozuara.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-