Lajme

Stano: Kemi frikë se Kosova mund të lihet jashtë procesit të integrimit evropian

Autori: Gazeta inFokus 15:08 | 07 February 2024

Zëdhënësi i Bashkimit Evropian, Peter Stano, ka thënë se procesi i dialogut është duke vazhduar dhe se qëllim e kanë që pala kosovare dhe ajo serbe të kenë sjellje konstruktive.

Në një konferencë për media, ai ka theksuar se Bashkimi Evropian ka frikë që Kosova mund të mbetet jashtë procesit të integrimit evropian.

“Dialogu vazhdon, ne jemi duke punuar që ta qojmë këtë proces përpara, duke ndihmuar palët që më në fund të kenë sjellje konstruktive që ata të mund të shkojnë përpara, ne nuk jemi duke i frikësuar nga status-quo, ne nuk jemi duke u frikësuar për ndonjë ngërç, ne nuk jemi duke u frikësuar nga asgjë në fakt në këtë aspekt”.

-Advertisement-

“Ne frikësohemi vetëm për njerëzit në Kosovë dhe Serbi që mund të lihen jashtë, çka është për ata nga procesi i anëtarësimit sepse fakti që ne jemi duke i parë të gjitha gjërat për të cilat ne kemi reaguar para disa jave veçanërisht për palën e Kosovës për veprimet e njëanshme dhe gjëra që e rriten shqetësimet tona, me mënyrën e komunikimit me autoritetet e Prishtinës. Kjo shkakton frikë për anën tonë, që Kosova mund të lihet jashtë, dhe të lihet mbrapa, por ne e vazhdojmë punën tonë”, ka thënë Stano.

Ai ka shtuar se BE-ja është duke punuar që Kosova dhe Serbia të vazhdojnë përpara me punën e tyre dhe të bëjnë hapa më shumë në aspektet që deri tani nuk janë bërë, dhe ka përmendur nisjen e zbatimit e Marrëveshjes së Ohrit./Klankosova.tv

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme