Stano: BE-ja nuk toleron sjellje që rrezikojnë sovranitetin e Bosnje e Hercegovinës
Autori: Gazeta inFokus 14:15 | 24 May 2024
Bashkimi Evropian nuk toleron sjellje që e rrezikojnë sovranitetin dhe tërësinë territoriale të Bosnjë e Hercegovinës, pas propozimit të Qeverisë së Republikës Serbe për t’u ndarë nga BeH, tha të premten zëdhënësi i bllokut, Peter Stano.
Të enjten, Qeveria e RS-së tha se në 30 ditët e ardhshme ajo do të krijojë një marrëveshje që do t’i dërgohet entitetit tjetër të Bosnjës, Federatës së Bosnjës e Hercegovinës, për “ndarje paqësore”.
“Për fat të keq, nuk është hera e parë që dëgjojmë deklarata të tilla. BE-ja është e qartë dhe kjo është përsëritur disa herë. BE-ja dhe të gjitha vendet anëtare e mbështesin sovranitetin dhe tërësinë territoriale të Bosnjë e Hercegovinës“, tha Stano.
Ai e përsëriti se sovraniteti, integriteti territorial dhe rendi kushtetues i Bosnje e Hercegovinës duhet të ruhet, duke paralajmëruar “pasoja serioze“ për shkelësit e saj.
Liderët e BE-së vendosën në mars për hapjen e negociatave të anëtarësimit me Bosnje e Hercegovinën. Ajo e mori statusin e vendit kandidat për anëtarësim në BE në dhjetor të vitit 2022.
Më herët të premten, Ambasada e Shteteve të Bashkuara në Sarajevë tha se propozimi i Qeverisë së RS-së për t’u ndarë nga Bosnja e Hercegovina, është i rrezikshëm dhe i papërgjegjshëm dhe se një gjë e tillë “nuk do të nënkuptonte pavarësi, por fund për Republikën Serbe”.
Qeveria e RS-së e bëri propozimin për “ndarje” gjatë një mbledhjeje të mbajtur në prag të seancës së Asamblesë së Përgjithshme të Kombeve të Bashkuara (OKB) të enjten, ku u miratua rezoluta që e shpall 11 Korrikun Ditë Ndërkombëtare të Përkujtimit të Viktimave të Gjenocidit në Srebrenicë.
Disa vende anëtare të BE-së nuk votuan për miratimin e rezolutës. Hungaria votoi kundër, ndërsa Greqia, Sllovakia dhe Qiproja abstenuan.
Stano tha se votimi në OKB është çështje individuale e secilit vend anëtar, por shtoi se BE-ja si bllok është e qartë se gjenocidi në Srebrenicë nuk mund të mohohet.
“Ne, si BE, nuk jemi si anëtar i OKB-së. Sa i përket BE-së, ne kemi qëndrimin e qartë dhe e kemi përsëritur rregullisht çdo përvjetor. Gjenocidi në Srebrenicë nuk mund të mohohet, e as të relativizohet“, shtoi ai.
Gjykata Ndërkombëtare e Drejtësisë në Hagë e karakterizoi krimin në Srebrenicë si gjenocid në vitin 2007.
Forcat serbe në këtë rajon lindor të Bosnje e Hercegovinës vranë mbi 8.000 burra dhe djem boshnjakë në korrik të vitit 1995.
Për gjenocidin e kryer, deri më tash, u dënuan më shumë se 50 persona me rreth 700 vjet burg.
Në mesin e tyre janë edhe presidenti i kohës së luftës i Republikës Serbe, Radovan Karaxhiq, dhe komandanti i përgjithshëm i ushtrisë së atëhershme serbe, Ratko Mlladiq./rel
Të tjera
-
Nesër 1 vit nga vrasja e Afrim Bunjakut në Banjskë, vëllai i tij rrëfen për herë të parë telefonatën e fundit me të
Nesër, më 24 shtator 2024, bëhet një vit nga sulmi terrorist në Banjskë të Zv...
-
Dy shoferë në Vushtrri gjobiten me nga 500 euro, Policia ua merr pantë shoferët për një vit: Bënin gara shpejtësie
Policia i ka ndëshkuar me nga 500 euro gjobë dhe ua ka marrë patentë shoferët...
-
Komandanti i KFOR dhe diplomatët e vendeve që kanë ushtarë në Kosovë mblidhen në Film City, arsye situata e sigurisë
Gjeneralmajor Özkan Ulutaş, komandanti i misionit të KFOR-it të udhëhequr nga...
-
Rukiqi: Tenderët njëburimor qeveria i ka markë tregtare, Kurti vazhdon ta injorojë këtë korrupsion
Anëtari i Kryesisë së Lidhjes Demokratike të Kosovës Berat Rukiqi ka thënë se...
-
Kapet me drọgë në veturë, arrestohet 30 vjeçari nga Kosova
Një 30 vjeçar nga Kosova është prangosur nga policia e Shqipërisë. Ngjarja...
-
Bënin gara me vetura, gjobitën dy shoferë në Vushtrri – u merret patentë-shoferi për 1 vit
Policia ka marrë masa ndaj dy shoferëve për kundërvajtje në trafikun rrugor. ...
-
Shqiptarët e Luginës marshojnë për “identitet e dinjitet”, kërkojnë kthimin e gjykatës, adresave e integrim
Qindra shqiptarë nga Lugina e Preshevës në jug të Serbisë kanë marshuar të hë...
-
Asamblisti jep dorëheqjen nga të gjitha funksionet e tij në Lëvizjen Vetëvendosje, i publikon mesazhet e kryetares së degës
Asamblisti i Kuvendit Komunal të Drenasit, Selman Qallapeku, ka dhënë dorëheq...
-
Dëshmitari i Speciales: Ne edhe fëmijëve që lindin në Kosovë iu vëmë emrin e Hashim Thaçit
Dëshmitari i radhës në rastin e krerëve të UÇK-së në Hagë, është Demush Krasn...
-
Haxhiu: Provimi i Jurisprudencës ka qenë transparent dhe pa asnjë ndikim
Kandidatët të cilët kanë kaluar Provimin e Jurisprudencës, sot kanë pranuar c...
-
Rritja ekonomike – Bajrami konteston shifrat e paraqitura nga ekzekutivi
Deputetja e Lidhjes Demokratike të Kosovës, Hykmete Bajrami, kritikoi Qeverin...
-
Policia del me njoftim si të keni kujdes nga mashtrimet nëpërmjet internetit
Drejtoria Rajonale e Policisë në Prizren ka bërë të ditur se janë rritur rast...