Lajme

Stadiumi i Gjilanit po bëhet, ndahen 15 milionë euro për ndërtimin

Autori: Gazeta inFokus 12:26 | 16 September 2023

Ministri i Kulturës, Rinisë dhe Sportit, Hajrulla Çeku, ka thënë se stadiumi i Gjilanit po bëhet.

Çeku njofttoi se në marrëveshjen e sotme, me kryetarin e kësaj komune, Alban Hyseni, kanë ndarë 15 milionë euro për ndërtimin e stadiumit, raporton Klankosova.tv.

“Stadiumi i Gjilanit po bëhet. Planifikimi i duhur është thelbësor për suksesin e çdo projekti dhe këtë e kemi bërë me Stadiumin e Gjilanit dhe do të vazhdojmë ta bëjmë me secilin projekt infrastrukturor që e fillojmë. Kështu po sigurohemi se ajo çfarë ka ndodhur në qeverisjet e kaluara të mos përsëritet më”, shkroi Çeku.

-Advertisement-

“Projekti përfundimtar i Stadiumit të Gjilanit, i cili mungonte, tash është hartuar dhe i gatshëm për zbatim ndërsa buxheti i nevojshëm për financimin e zbatimit veçse është siguruar”.

“Në marrëveshjen e sotme me kryetarin Alban Hyseni, zotuam 15 milionë euro për ndërtimin e stadiumit. Procedurat e nevojshme për zbatimin e projektit do të fillojnë menjëherë dhe punimet në tërësi do të nisin sa më pare”.

“Për shkeljet që janë gjetur në të kaluarën e këtij stadiumi, tanimë të kualifikuara si të tilla edhe nga Zyra Kombëtare e Auditimit, ndaj palëve të përfshira po përgatitet kallëzim penal”.

Ai theksoi se me vendosmëri po e realizojnë planin investiv për Lojërat Mesdhetare 2030.

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme