Sport

Stadiumi gjysmëbosh, La Liga gjobit Celta Vigon

Autori: Gazeta inFokus 16:05 | 20 September 2017

Presidenti i Ligës spanjolle të Futbollit, Javier Tebas përdor “grushtin e hekurt” për klubet që nuk mbushin stadiumet: gjobë për ata që plotësojnë më pak se 70% të kapacitetit të impianteve të tyre.

Klubi i parë që u bë viktimë e këtij rregulli u bë skuadra e Celta Vigos. Klubi galician u gjobit dhe kjo ishte për të dytën herë, pikërisht për faktin se stadiumi “Balaidos” ishtë gjysmëbosh. Një situatë që detyroi drejtuesit e klubit të rishohin planin relativ të çmimeve të biletave.

Plani “Të ndreqim gabimet” te galicianët tashmë ka nisur dhe do të zbatohet që në ndeshjen e së enjtes ndaj Getafes. Ideja është ulja e kostove për biletat, në përpjekje që të evitohet një tjetër “tërheqje veshi” nga La Liga.

-Advertisement-

Celta Vigo nuk po përjeton një moment të mirë në këtë sezon. Skuadra galiciane, që sezonin e kaluar arriti deri në gjysmëfinalet e Europa League, pas 4 javëve të para gjendet në vendin e 17, me vetëm 3 pikë të grumbulluara.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera