Lajme

Srpska: S’i kemi ikur obligimeve pë rrymë, prisnim që të vinte Elektroseveri filiali i Elektroprivreda Srbije

Autori: Gazeta inFokus 16:05 | 21 June 2022

Lista Serbe ka bërë një reagim pas dakordimit të Kosovës dhe Serbisë për të zbatuar Marrëveshjen për Energjinë.

Sipas kësaj partie, marrëveshja parandalon mundësinë që të “pushtohet nënstacioni në Vallaq”.

Madje në reagim thuhet se serbët s’kanë ikur nga përgjegjësitë e tyre, anipse katër komunat veriore s’e kanë paguar rrymën për 23 vjet me radhë raporton Gazeta Express.

“Populli serb asnjëherë nuk ka ikur nga përgjegjësive, por ne kemi kërkuar që kjo të bëhet në përputhje me marrëveshjen, përkatësisht Electrosever, kompania si motër e Elektroprivreda Srbije. Në të njëjtën kohë, marrëveshja e sotme pamundëson pagesën retroaktive. Nga ana tjetër, kompania e re Elektrosever do të ketë një sistem energjetik në veri me garanci të Bashkimit Evropian në duart e saj”, thuhet në reagim.

Tutje Lista Serbe, thotë se punëtorët e Elektrokosmet në veri do të punësohen në kompaninë e re.

“Theksojmë se do të punësohen të gjithë punëtorët e Elektrokosmetit në veri, si dhe planifikohet rekrutimi i punëtorëve të rinj në kompaninë e re, e me këtë edhe mbijetesa dhe qëndrimi në këto zona”, thuhet tutje.

Të tjera

Fokusi

lajme