Lajme

Sqarohen nga byfeja e Kuvendit: Nga 22 shtatori është kërkuar të mos shërbehen produktet serbe

Autori: Gazeta inFokus 14:41 | 19 November 2021

Deputeti i AAK-së Bekë Berisha i kërkoi kryeparlamentarit Glauk Konjufca që produktet serbe të cilat shërbehen në byfenë e Kuvendit të largohen.

Berisha, në seancën e sotme, ia ka vendosur një produkt serb, një pije, Konjufcës tek ulësja. Po ashtu këtë produkt serb ai e vendosi edhe tek ulësja e kryeministrit Albin Kurti.

Për këtë, këshilltari Ilir Kërçeli, i kryetarit të Kuvendit, Glauk Konjufca, ka sqaruar se Kuvendi ka marrëveshje me operator privat.

-Advertisement-

Sipas tij, kabineti i Kryetarit, ka kërkuar që këto produkte mos të shërbehen më nga data 22 shtator në Kuvendin e Kosovës.

Postimi i plotë:

Rreth produkteve serbe në Kuvendin e Kosovës.

1.Kuvendi i Kosovës ka privatizuar shërbimet e byfesë, duke ja ofruar një operatori privat.

2.Ky operator privat, ka marrëveshje me Kuvendin tash e mbi 15 vite.

3.Këtë marrëveshje apo kontratë, kjo legjislaturë e re, e ka gjetur në Kuvendin e Kosovës (dmth këto shërbime ofrohen para ardhjes së kryeparlamentarit Konjufca)

4.Kabineti i Kryetarit, ka kërkuar që këto produkte mos të shërbehen më në Kuvendin e Kosovës (shih emailin)

5.Kuvendi i Kosovës si pasojë e shërbimeve jo profesionale, ka njoftuar operatorin se i shkëputet kontrata.

6.Të gjitha këto veprime janë bërë shumë kohë para përformancës së sotshme të deputetit Bekë Berisha.

Kjo është e vërteta rreth produkteve serbe në Kuvendin e Kosovës.

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!

Të tjera

Fokusi

lajme