Lajme

“Spiunët” e Edi Ramës që e vëzhgonin Hashim Thaçin e Kadri Veselin (Dokument)

Autori: Gazeta inFokus 21:56 | 18 April 2021

Ish-Presidenti i Kosovës, Hashim Thaçi bashkë me kreun e Partisë Demokratike të Kosovës, Kadri Veselin kanë qenë nën llupë të Partisë Socialiste të Shqipërisë, e udhëhequr nga Edi Rama.

Në dosjen sekrete të publikuar ditë më parë nga mediet në Shqipëri del se Thaçit e Veselit i ishte caktuar nga një “spiun”, apo patronazhist sic figuron në dosje, që grumbullonte të dhëna për cdo aktivitet të tyre, shkruan Gazeta Infokus.

Emrat e tyre gjenden bashkë me shumë personazhe publike, sipas raportimit që i kanë bërë patronazhistët e Partisë Socialiste në Database që përdoret për fushatën e 25 Prillit, ku janë edhe të dhëna konfidenciale që disponohen nga institucionet shtetërore.

-Advertisement-

Për “spiunimin” e Thaçit, sipas të dhënave në databazën e PS-ë, ishte i angazhuar patronazhisti Gentjan Thaka, ndërsa Kadri Veselin e kishte nën llupë Pamela Naska.

Në preferencat politike të tyre, patronazhistët kishin gjetur se Thaci e Veseli kishin preference të ndryshme.

Derisa për ish-Presidentin Thaci kishin shkruar se voton për Partinë Socialiste, për Kadri Veselin ishte shkruar se është simpatizant i LSI-së, shkruan Gazeta Infokus.

Sipas databazës së siguruar nga Lapsi. al, ku janë të përfshira të dhëna konfidenciale të 910 mijë votuesve të Tiranës nga 19 deri në moshën 99 vjeç. Dokumenti përmban të dhënat personale të secilit qytetarë, si numrat e telefonit, numrin e kartës së identitetit, numrin e qendrës së votimit, vendin e punës për shumicën e të regjistruarve dhe një përshkrim të përkatësisë politike për secilin prej qytetarëve të Tiranës.

Arsyeja përse, Ish-Presidenti i Kosovës, Hashim Thaçi bashkë me kreun e Partisë Demokratike të Kosovës, Kadri Veselin figurojnë në databazat e shtetit Shqiptarë, është se të dy posedojnë pasaporta shqiptare./Gazeta Infokus/

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme