Spitali i Pejës gati që të punojë me të gjitha kapacitetet nga 1 qershori
Autori: Gazeta inFokus 11:50 | 30 May 2020
Spitali rajonal i Pejës ka bërë të gjitha përgatitjet që nëse merret vendimi nga Ministria e Shëndetësisë, qysh nga e hëna të fillojë punën me të gjitha kapacitetet.
Kështu thotë në një intervistë për KosovaPress, drejtori i këtij spitali, Skender Dreshaj. Ai deklaroi se kanë bërë planin e punës dhe dezinfektimin e hapësirave për t’iu ofruar qytetarëve të gjitha shërbimet.
“Vullneti jonë është që nga 1 qershori të fillojmë me organizimin e punës dhe shërbimet specialistike, me programin e rregullt operativ. Megjithatë, ne duhet të presim një vendim të qeverisë, Ministrisë së Shëndetësisë që përmes ShSKUK-së të na njoftojnë me këtë vendim. I kemi filluar përgatitjet që të startojmë”, thotë ai
Dreshaj potencoi se gjatë gjithë kohës janë përballur me fluks të madh të pacientëve që kanë kërkuar shërbime ortopedike dhe kthimi në punë me kapacitete të plota do të jetë në të mirë të pacientëve.
“Disa prej shërbimeve patjetër që janë më emergjente si shërbimi i ortopedisë dhe disa shërbime të tjera patjetër që do të duhej të fillonin. Për shkak se fluksi i pacientëve është jashtëzakonisht i madh dhe hapësira që e ofron ambulanta specialistike krijon kushte shumë më të mira edhe në ofrimin e shërbimeve shëndetësore, po edhe parandalon atë që po e quajmë kontakt i afërt me mundësinë e përhapjes së infeksionit brenda hapësirave të spitalit”, deklaroi ai.
Drejtori Dreshaj thotë se në mënyrë që t’i ofrojnë pacientëve shërbime më të mira kanë bërë planin e punës dhe përgatitjen teknike të të gjitha objekteve.
“Ka që sa ditë që e kemi bërë planin e punës për të filluar, pastaj edhe hapësirat që t’i dezinfektojmë që t’i bëjmë të gatshme që në momentin që të vjen vendimi i qeverisë, e shpresojmë që do të jetë nga 1 qershori, të startojmë edhe me punë”, thotë Dreshaj.
Gjatë kësaj periudhe që vendi po përballet me pandeminë COVID-19, Dreshaj thotë se sfidë kryesore kanë ruajtjen e personelit shëndetësor nga infektimi.
Ai thotë se vetëm dy punëtorë shëndetësor kanë rezultuar pozitiv me koronavirus, por që thotë se nuk janë infektuar në hapësirat e spitalit.
“Ne e kemi pasur sfidën kryesore që të ruajmë personelin shëndetësor nga infeksioni në mënyrë që të jemi të gatshëm të ofrojmë shërbime shëndetësore, për arsye se spitali përveç përballjes me pandeminë ka qenë e detyruar të përballet edhe me nevojën për të ofruar shërbimet e rregullta shëndetësore. Mund të merrni me mend nëse edhe stafi do të na infektohej, atëherë ne do t’i humbnin forcat kryesore në drejtim të ofrimit të shërbimeve shëndetësore. Fatmirësisht brenda krejt kësaj periudhe nuk kemi pasur përveç dy rasteve të dy punëtorëve shëndetësor, të cilët janë infektuar jashtë hapësirave të spitalit, nuk kemi pasur asnjë punëtorë tjetër shëndetësor të infektuar dhe i gjithë stafi ka qenë në shërbim të pacientëve. Nëse i bëjmë një analizë kësaj pune në kuadër të përgjegjësive që i kemi, atëherë mund të themi që spitali e ka kryer misionin e vet në kuptimin e ofrimit të shërbimeve shëndetësore”, potencoi ai.
Kreu i spitalit të Pejës thotë se gjatë gjithë kohës kanë qenë të furnizuar me mjete mbrojtëse, ku tha se përveç nga Ministria e Shëndetësisë janë furnizuar edhe me mjete vetanake.
Në mars të këtij viti, Shërbimi Spitalor dhe Klinik Universitar i Kosovës bazuar në qarkoren informative të lëshuar nga Ministria e Shëndetësisë dhe në rekomandimet e Institutit Kombëtar të Shëndetësisë Publike, për t’u mbrojtur nga Covid-19, kishte pezulluar punën në ambulanca specialistike dhe kishte ndërprerë programin elektiv (jo urgjent) të operacioneve dhe procedurave tjera terapeutike dhe diagnostike.
Të tjera
-
Ky është personi që u godit nga vetura në Pejë
Ka ndërruar jetë, personi i cili u godit nga një veturë në orët e pasditës në...
-
E rëndë në Pejë: Humb jetën një person, dyshohet se u godit qëllimshëm nga një veturë
Një person ka humbur jetën në Spitalin Rajonal të Pejës, si pasojë e plagëve ...
-
Osmani takohet me Rohden, e falënderon për mbështetjen e Gjermanisë për votimin në Asamblenë Parlamentare
Ambasadori amerikan në Kosovë, Jeffrey Hovenier, e k vlerësuar produktiv taki...
-
Deri në orën 18, në Maqedoninë e Veriut votuan 47,61% e qytetarëve
Deri në orën 18:00, te Komisioni Shtetëror i Zgjedhjeve në Maqedoninë e Veriu...
-
Osmani takohet me Rohden, e falënderon për mbështetjen e Gjermanisë për votimin në Asamblenë Parlamentare
Presidentja e vendit, Vjosa Osmani, ka takuar ambasadorin gjerman në Kosovë, ...
-
Ulutash: Vetëm zgjidhje politike mes Kosovës e Serbisë, NATO mbështet dialogun e BE-së
Komandanti i KFOR-it, gjeneralmajor Ozkan Ulutash, në një video-adres...
-
Dardan Krivaça kundër të gjithëve në gjykatë: Po më shkelen të drejtat
Të mërkurën në Gjykatën Themelore të Ferizajt, ka vazhduar gjykimi kundër Dar...
-
Osmani falënderon Finlandën për mbështetje të anëtarësimit në KiE
Presidentja e Republikës së Kosovës, Vjosa Osmani, ka pritur sot në takim dep...
-
O’Brien i kërkon Kurtit themelimin e Asociacionit dhe zbatimin e marrëveshjeve
Ndihmëssekretari amerikan i Shtetit për Evropën dhe Euroazinë, James O’Brien,...
-
Kurti në takim me drejtuesin e landit gjerman, flasin për bashkëpunimin rajonal
Qëndrimi në Hannover i kryeministrit Albin Kurti, vijoi ditën e sotme me taki...
-
Incident në Prishtinë: Një burrë e fut me fo*cë një grua në veturën e saj
Një incident ka ndodhur gjatë ditës së sotme në Prishtinë. Se si ka ardhur...
-
Bislimi: Serbia shkelëse e të gjitha marrëveshjeve, BE-ja t’ia heqë masat Kosovës
Zëvendëskryeministri i parë për Integrim Evropian, Zhvillim dhe Dialog i Repu...