Lajme

Specialja konfirmon lirimin e Gucatit: Ai është penduar dhe ka kërkuar falje, sjellja e tij ka ndryshuar

Autori: Gazeta inFokus 12:06 | 17 October 2023

Dhomat e Specializuara të Kosovës kanë konfirmuar lirimin nga burgu të ish ushtarit të UÇK-së, Hysni Gucati i cili u dënua me 4 vite burg.

Kjo është bërë përmes një njoftimi për media ku ndër të tjera thuhet se gjatë kohës së paraburgimit por edhe më pas, Gucati ka kërkuar  falje dhe është penduar nëse veprimet e tij e kanë dëmtuar dikë, shkruan Gazeta Infokus.

“Vlen të theksohet, se Kryetarja konstatoi se z. Gucatit pati mundësi të reflektonte për veprimet e veta gjatë mbajtjes së tij në objektin e paraburgimit të DHSK-së dhe se sjellja e tij kishte ndryshuar me kalimin e kohës. Kryetarja theksoi shprehjet e pendesës së z. Gucati, në veçanti, veçanërisht faljen, gjatë seancës gojore, që ai shprehimisht u kërkoi të gjithë atyre që mund të ishin ndier të kërcënuar nga veprimet e ti. Gjithashtu Kryetarja, vuri në dukje zotimin e vendosur të z. Gucati se nuk do të përfshihej në veprime të tjera që mund të karakterizoheshin si vepra penale kundër administrimit të drejtësisë dhe se do t’i përmbushë të gjithë kushtet e përcaktuara për lirimin e tij. Kryetarja theksoi se në qoftë se z. Gucati nuk përmbush cilindo prej kushteve të përcaktuara në vendim, atëherë vendimi do të anulohet”, thuhet në njoftim./Gazeta Infokus/

-Advertisement-

https://gazetainfokus.com/hysni-gucati-arrin-neser-ne-kosove/

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme