Viva Fresh Group është krenare të njoftojë zyrtarisht lansimin e brendit SPAR në Maqedoninë e Veriut, duke sjellë një nga rrjetet më të njohura të shitjes me pakicë në botë më afër konsumatorëve maqedonas përmes një partneriteti të fuqishëm lokal dhe një vizioni afatgjatë rajonal, në bashkëpunim me SPAR International.

Si pjesë e këtij transformimi, dyqanet ekzistuese të Viva Fresh Store dhe SuperKit GO në Maqedoninë e Veriut do të kalojnë gradualisht në SPAR North Macedonia, duke sjellë një përvojë të re të blerjes të ndërtuar mbi standardet evropiane, ekselencën operacionale, konceptet moderne të dyqaneve, asortiment më të fuqishëm, logjistikë të avancuar dhe përvojë të përmirësuar për konsumatorët.

Ky është një investim strategjik për të ardhmen e tregtisë me pakicë në rajon.

-Advertisement-

Gjatë tre viteve të ardhshme, Viva Fresh Group planifikon të investojë mbi 45 milionë euro në Maqedoninë e Veriut, të fokusuara në zhvillimin e një qendre moderne logjistike, hapjen e dyqaneve të reja dhe transformimin e lokacioneve ekzistuese në dyqane SPAR në të gjithë vendin.

Përmes këtij zgjerimi, Grupi vazhdon të forcojë pozitën e tij si një nga grupet kryesore të shitjes me pakicë në Ballkan – duke lidhur tregjet, investuar në infrastrukturë, fuqizuar ekonomitë lokale dhe duke krijuar vlerë afatgjatë për konsumatorët, punonjësit, furnitorët dhe partnerët.

Në vitet në vijim, Viva Fresh Grou do të vazhdojë të investojë në:
• Infrastrukturë moderne të shitjes me pakicë
• Logjistikë të avancuar dhe integrim të zinxhirit furnizues
• Transformim digjital dhe përvojë të konsumatorit
• Zhvillimin e punonjësve dhe rritjen profesionale
• Mbështetje për prodhuesit lokalë dhe partneritetet rajonale
• Standarde të qëndrueshme dhe të përgjegjshme biznesi në përputhje me praktikat ndërkombëtare

Lansimi i SPAR në Maqedoninë e Veriut përfaqëson një tjetër moment të rëndësishëm në strategjinë rajonale të zhvillimit të Viva Fresh Group dhe reflekton besimin që kemi në potencialin e tregut maqedonas dhe njerëzve të tij.

Dëshirojmë të falënderojmë SPAR International, SPAR North Macedonia, ekipet tona nga Viva Fresh Store dhe SPAR Albania, partnerët, institucionet dhe të gjithë bashkëpunëtorët për besimin, bashkëpunimin dhe përkushtimin gjatë këtij rrugëtimi transformues.

Gjiganti ka mbërritur në Maqedoninë e Veriut.
Dhe ky është vetëm fillimi.

Viva Fresh Group.

“SPAR” tashmë zyrtarisht në Maqedoni! 45 milionë euro investim dhe 65 markete të reja

Sponsoruar

-Advertisement-