Lajme

Spanjë, fillon festivali i vrapimit të demave

Autori: Gazeta inFokus 15:26 | 06 July 2017

Me shkrepjen e fishekut nga ballkoni i bashkisë nisi festivali San Fermin i cili është i famshëm për vrapimet e njerëzve para demave në rrugët e qytetit Pamplona në veri të Spanjës.

Shkrepjen e fishekut që simbolizon hapjen zyrtare të festivalit këtë vit e kanë bërë dy gra përfaqësuese të shoqatës DYA e cila zhvillon aktivitete të ndihmës për njerëzit në rrugë në situata emergjente.

Mijëra persona të veshur me pantollona të bardha dhe kanatiere të cilat janë veshjet simbol të festivalit pas ndezjes së fishekut me sloganin “Rroftë San Fermin” kanë përjetuar një entuziazëm të madh duke mbajtur në duar dhe në qafë shallin e kuq.

-Advertisement-

Vrapimi i parë i cili në kuadër të aktivitetit emërohet “Encierro” ku njerëzit vrapojnë para demave në rrugën me gurë prej 875 metra në qendër të qytetit do të fillojë nesër në mëngjes. Për të vrapuar me 6 dema dhe 6 viça nëpër rrugë nevojitet që personi të jetë i shëndetshëm dhe mbi 18 vjeç. Ndërsa ata që nuk zbatojnë rregulloren gjobiten deri në 3 mijë euro.

Bashkia Pamplona në San Fermin e cila në kuadër të aktiviteve kulturore dhe artistike është organizatore ka njoftuar se për festivalin ka ndarë një buxhet prej 1.3 milionë euro. Ndër të tjera mësohet se për këtë ngjarje janë akredituar 400 gazetarë dhe se San Fermin do të ndiqet nga 130 institucione mediatike nga 10 vende.

Gjithashtu bëhet e ditur se për sigurinë e festivalit do të angazhohen 3.500 forca të sigurisë, ku dhe gjatë aktivitetit në vrapimin prjej 875 metrash “Encierro” do të jenë në gadishmëri 16 ambulanca dhe 5 ekipe shëndetësore.

Në vrapimet me dema në festivalin San Fermin i cili është një traditë që nga shek.16 dhe i cili është bërë i famshëm botërisht falë gazetarit amerikan Ernesto Hemingway, bëhet e ditur se që nga viti 1910 e deri më tani kanë humbur jetën 16 persona.

Qyteti Pamplona ka një popullsi prej 196 mijë banorësh dhe pritet që ta vizitojnë afërsisht 2 milionë persona. Festivali do të përfundojë më 14 korrik.

Subscribe në YouTube: GAZETA INFOKUSI