Lajme

Spanja në alarm! Toka vijon të thahet, temperaturat ende në limite

Autori: Gazeta inFokus 14:28 | 01 August 2023

Thatësirat e vazhdueshme dhe shfrytëzimi i tepërt i tokës si për bujqësinë ashtu edhe për industrinë kanë ngjallur frikë në Spanjë mbi shkatërrimet që mund të ndodhin.

Frika më e madhe është kthimi i vendit në një shkretëtirë, e cila nuk ka asnjë burim uji dhe nuk do të mund të prodhojë më asnjë produkt.

“Spanja nuk do të jetë një shkretëtirë si në Sahara, kjo është e pamundur. Por degradimi i rëndë i tokës e bën atë të humbasë kapacitetin prodhues. Është shqetësuese”, tha Gabriel del Barrio-studiues.

-Advertisement-

Shkaku kryesor i kësaj katasrofe është ngrohja globale, e cila po nxit rritjen e temperaturave, që çon në avullimin e ujit dhe shkakton më shumë zjarre.

Sipas studiuesve rolin e rëndësishëm e luan edhe aktivitetin njerëzor, i cili është fajtori më i madh, veçanërisht për shkak të bujqësisë intensive.

Pavarësisht klimës së saj shumë të thatë, Almeria është shndërruar në kopshtin e perimeve të Evropës përmes serave të saj prej 40 mijë hektarësh, që prodhojnë perime dhe drithërave.

Por këto zona të prodhimit të të korrave po e përkeqësojnë problemin duke përdorur ujërat nëntokësore dhe duke shteruar rezervat.

Konventa e OKB-së për Luftimin e Thatësirës, njofton se 75 për qind e tokës së Spanjës po lufton me kushte klimatike që mund të çojnë në ekstremitet, duke u bërë vendi evropian më të kërcënuar nga problemi.

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme