Lajme

Spahiu: Kurti ka dhënë sinjale që s’do ta pranojë Asociacionin

Autori: Gazeta inFokus 07:52 | 16 Tetor 2023

Juristi Kreshnik Spahiu ka komentuar Samitin e Procesit të Berlinit që do të mbahet sot në Tiranë.

Në një intervistë në Euronews Albania, ai theksoi se ka burime që Kurti ka dhënë mesazhe se nuk do e pranojë asociacionin.

Më tej ai nënvizoi se Kurti po luan me dy standarde gjë që sipas tij është në dëm të Kosovës.

-Advertisement-

“Të gjithë burimet nga Berlini janë se Albin Kurti ka dhënë mesazhe se nuk do ta pranojë asociacionin. Ka dy rrugë ose do i mbash me dhunë serbët në Veri ose do bashkëjetosh me ta. Ne nuk na intereson një plan B i amerikanëve dhe i evropianëve”.

“Albin Kurti duhet patjetër të japë garancinë e bërjes së Asocacionit brenda kompetencave kushtetuese që ai mundohet ta shmangë. Pra loz me dy standarte. Nuk mund të ketë dy qasje, është vetëm një zgjidhje e cila duhet t’i hapë rrugë dialogut. Vuçiq po luan shah mat. Nëse nuk do hapet dialogu Kosova nuk do të përfitojë as nga fondet, as nga heqja e sanksioneve”, deklaroi Spahiu.