Lajme

SpaceX lëshon me sukses në hapërisë një satelit sekret përgjimi

Autori: Gazeta inFokus 08:47 | 02 May 2017

Kompania SpaceX e Elon Muskut, shënoi të hënën një triumf të ri, duke lëshuar me sukses në hapërisë një satelit sekret përgjimi për një agjenci qeveritare amerikane.

Nisja nga Qendra e Hapësirës “Kennedy” në Kepin Kanaveral u shty një ditë, për shkak të një problemi me sensorët. Sateliti sekret i quajtur NROL-76 është i Zyrës Kombëtare të Gjurmimit dhe u dërgua në një orbitë të panjohur.

Kjo agjenci që e konsideron veten si “sytë dhe veshët e vendit në hapësirë”, mban dhe zhvillon satelitë përgjimi.

-Advertisement-

Lloji i satelitit nuk njihet, por Zyra Kombëtare e Gjurmimit ka përgjegjësinë të dallojë kërcënime të mundshme ndaj Shteteve të Bashkuara si sulme terroriste, zhvillimin e armëve bërthamore apo hedhje raketash.

SpaceX ka bërë përparim në misionin për ta bërë udhëtimin në hapësirë më pak të kushtueshëm, duke ricikluar raketa. Muajin e kaluar, kompania lëshoi në hapësirë me sukses një raketë që ishte përdorur edhe më parë.

Kjo ishte raketa e pestë që hedh SpaceX në vitin 2017.

Subscribe në YouTube: GAZETA INFOKUSI