Lajme

Sot Thaçi e Vuçiq takohen në Bruksel

Autori: Gazeta inFokus 08:05 | 03 July 2017

Sot në Bruksel do të mbahet një takim mes presidentit të Kosovës, Hashim Thaçi, dhe atij të Serbisë, Aleksandër Vuçiq si dhe përfaqësues së lartë të BE-së Federica Mogherini.

Thaçi ka njoftuar se në kuadër të dialogut për normalizimin e marrëdhënieve ndërmjet Kosovës dhe Serbisë, do të diskutohen idetë fillestare për mënyrën se si do të vazhdohet dialogu në fazën e re dhe objektivat që synohet të arrihen në kuadër të procesit të normalizimit.

“Ky është vetëm takimi fillestar në këtë fazë të re të dialogut, që dëshmon përkushtimin tonë për normalizimin e plotë të marrëdhënieve fqinjësore me Serbinë, që është kriter kyç për anëtarësimin e Kosovës në BE dhe NATO”, ka deklaruar presidenti Thaçi.

-Advertisement-

Takimi, i ndërmjetësuar nga kryediplomatja e BE-së, Federica Mogherini, vjen pas takimeve joformale në Samitin e Dubrovnikut.

Subscribe në YouTube: GAZETA INFOKUSI