Lajme

Sot mot me shi, temperaturat deri në 24 gradë

Autori: Gazeta inFokus 09:00 | 14 September 2024

Sot në Kosovë pritet të mbajë mot i vranët dhe me reshje të herëpashershme shiu.

Në disa vise priten edhe intervale kohore me diell sidomos në jugperëndim të vendit. Do të fryjnë erëra drejtimesh të ndryshme.

Në veri do të fryjë veriu dhe verilindja, ndërsa në jug pritet të vazhdojnë erërat jugperëndimore, pra Kosova do të jetë pikëtakim i këtyre masave ajrore që vijnë nga drejtime të ndryshme.

-Advertisement-

Temperaturat do të shënojnë ulje sidomos në veri të vendit, pastaj krejt vonë në tërë Kosovën. Temperaturat maksimale deri në 24 gradë Celsius në Dukagjin, dukshëm më të ulëta në Rrafshin e Kosovës.

Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot kryesisht i vranët dhe me reshje të herëpashershme, lokale shiu.

Vende-vende priten rrebeshe lokale shiu me vetëtima dhe bubullimë, ndërsa në disa rajone nganjëherë mund të ketë edhe intervale kohore me diell. Priten reshje intensive në disa rajone, por pa ndonjë rrezik të madh. Gjatë natës sonte në malet e larta të Malit të Zi mund të fillojnë reshjet e borës.

Subscribe në YouTube: GAZETA INFOKUSI
Etiketa:
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme