Lajme

“Sot ka nisur një valë sanksionesh”, Rama godet Kurtin e Vuçiqin: Mjaft kemi vuajtur nga nacional-folkloristët

Autori: Gazeta inFokus 14:35 | 23 June 2023

Kryeministri i Shqipërisë, Edi Rama, ka thënë se nga ajo që po ndodh në veri të Kosovës, rrezikohet e gjithë puna që është bërë për vite në Ballkanin Perëndimor dhe gjithë e ardhmja e rajonit.

Ai ka kritikuar Kurtin dhe Vuçiqin, duke thënë se ky rajon s’është i asnjërit prej tyre, dhe se Ballkani Perëndimor ka vuajtur mjaft nga nacionalistët dhe nacional-folkloritstët, raporton Express.

Rama ka thënë se duhet të evitohet përkeqësimi i pozicionit të Kosovës dhe skenari i izolimit të Serbisë, meqë asnjëra s’janë në interes të Shqipërisë.

-Advertisement-

“Ky rajon s’është as i Albinit dhe as i Aleksandrit. Ky rajon ka vuajtur boll nga nacionalistët, nacional folkloristët dhe nga përplasjet e vazhdueshme të cilat mund edhe të kenë pasur justifikime në kohëra tjera, por s’i kanë më sot, kur jemi në një Evropë që kërkon të mbështes paqen.

Kjo situatë i shkon për shtati vetëm Rusisë. Nga kjo përplasje dhe nga kjo paaftësi për tu ulur me durim dhe për të çuar përpara procesin, s’fiton as Evropa, në kuptimin Evropa mes nesh, fiton vetëm Rusia.

Ka një marrëveshje bazë, dhe të dy palët po sillen sikur të mos ketë ndodhur fare marrëveshja.

Duhet të dalim nga kjo lojë politike Tom and Jerry. Duhet të evitojmë skenarin e përkeqësimit të pozicionit të Kosovës, por edhe skenarin e izolimit të Serbisë. S’janë skenar të mirë për ne, për interesin tonë, si një vend që kërkon të përparoj me çdo çmim, ekonomikisht. Çdo gjë që ndodh rreth e rrotull na cenon neve”, ka thënë Rama.

Rama gjithashtu ka thënë se sot ka nisur një valë sanksionesh

“Aq më tepër, fakti që sot ka filluar një valë e parë sanksionesh. Çfarë të mire i sjell të nesërmes. Nëse e nesërmja s’matet me pikët elektorale”, ka theskuar tutje.

Subscribe në YouTube: GAZETA INFOKUSI
Etiketa:
Ku mos mu HUTU me BLACK FRIDAY Artmotion
-Advertisement-

Të tjera

Fokusi

lajme