Sport

“Sot ekipi ishte me dy fytyra, nuk hyjmë në pazaret e askujt – deri në fund do ta ruajmë fytyrën tonë”

Autori: Gazeta inFokus 17:56 | 05 April 2021

Skuadra e Besës së Pejës ka pësuar humbje të thellë në udhëtim te Gjilani me rezultat 5-1, në duelin e vlefshëm për javën e 27-të në Superligën e Kosovës në futboll, shkruan Gazeta inFokus.

Pas ndeshjes ka folur trajneri i Besës, Leotrim Krasniqi, i cili ka thënë se sot ekipi i tij ishte me dy fytyra.

“Sot ekipi ishte me dy fytyra, në pjesën e parë u paraqitem mirë, kishim disa raste, e gjysmë raste, në aspektin defansiv ishim të vendosur mirë, në pjesën e dytë pranuam gola të lehtë dhe kur rezultati është i thellë nuk është lehte të durosh”, tha Krasniqi për Art Sport.

Tutje tekniku i pejanëve theksoi se nuk do të bëjnë kalkulime me askënd, por do ta ruajnë fytyrën deri në fund të kampionatit.

“Në të gjitha ndeshjet Besa do të futet ta japë maksimumin, nuk hyjmë në kalkulime të askujt hiç, do ta ruajmë nderin dhe fytyrën tonë, sepse ndryshe nuk bën. Ndonjëherë humbim, ndonjëherë fitojmë si javen e kaluar”, përfundoi Krasniqi.

Pas kësaj humbje, Besa e Pejës vazhdon të jetë e fundit me vetëm 10 pikë të arkëtuara./Gazeta inFokus/

Të tjera

Fokusi

sport