Kulturë

​Sonte finalja e Eurovizion 2025

Autori: Gazeta inFokus 10:20 | 17 May 2025

Njëzet e gjashtë shtete do të ngjiten sonte në skenën e Eurovizionit, në finalen e edicionit të 69-të për të garuar për trofeun e madh.

Përfaqësuesja e Shqipërisë, Shkodra Elektronike, me këngën “Zjerm”, do të performojë e fundit në renditje, në vendin e 26-të, që është edhe kodi i votimit nga publiku.

Me një përzierje të ritmeve moderne elektronike dhe motiveve të folklorit shqiptar, “Zjerm” solli në këtë edicion të Eurovizionit një tingull modern dhe krejtësisht autentik.

-Advertisement-

Në natën finale nuk do të mungojnë surprizat dhe spektakli. Mimo, përfaqësuesi i Zvicrës vitin e kaluar, i cili fitoi Eurovizionin, do të ngjitet në skenë ku do të performojë projektin e tij më të ri muzikor.

Dyshes së moderatorëve, Hancel Bruger dhe Sandra Shtuder, në finale do t’u bashkohet edhe ylli i spektakleve italiane, Michelle Hunziker.

Të gjithë shqiptarët që jetojnë jashtë vendit mund të votojnë për këngën “Zjerm” duke dërguar një SMS në numrin 54345, me kodin përkatës të këngës shqiptare. Nga territori i Shqipërisë nuk është e mundur të votohet për përfaqësuesen shqiptare. Votimi mund të bëhet përmes telefonit, SMS, ose online me pagesë në faqen zyrtare: esc.vote

Nga Kosova mund të votoni përmes linkut www.esc.vote deri në momentin kur fillon shfaqja e finales në orën 21:00.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

kulture