Somali, mbi 300 viktima nga sulmet me bomba
Autori: Gazeta inFokus 14:35 | 16 October 2017
Më shumë se 300 persona kanë vdekur si pasojë e shpërthimeve të dyfishta me bombë në Mogadishu, në atë që zyrtarët e vendit e cilësojnë si sulmin më vdekjeprurës në mbi një dekadë për Somalinë.
Banorë vendas kanë mësyrë spitalet në kërkim të të afërmve dhe miqve të tyre, që mund të kishin mbetur viktima të këtyre sulmeve.
Numri i viktimave është rritur me shpejtësi që nga e shtuna, kur shpërthimet pa përgjegjës deri më tani, goditën dy kryqëzimet më të ngarkuara në qendër të qytetit.
“Kemi konfirmuar 300 të vdekur nga këto shpërthime. Numri me siguri është ende më i lartë, sepse janë shumë persona që rezultojnë të zhdukur”, tha Abdikadir Abdirahman, drejtor i Shërbimit të Urgjencës në Mogadishu.
Aden Nur, një doktor në spitalin “Madina”, tha se vetëm ata kanë regjistruar 258 të vdekur, ndërsa një tjetër infermier, Ahmed Ali nga spitali “Osman Fiqi” tha për “Reuters” se 5 të pajetë ishin dërguar atje. Sipas Nur, 160 trupa nuk mund të identifikohen. “Ato u varrosën nga qeveria të dielën. Të tjerë u varrosën nga të afërm të tyre. Mbi 100 të plagosur kanë ardhur për ndihmë mjekësore këtu”, tha mjeku.
Disa prej të plagosurve janë evakuuar dhe transportuar me helikopterë për në Turqi, për ndihmë më të specializuar mjekësore, njoftuan zyrtarët.
Sulmet me bomba të së shtunës ishin më vdekjeprurëset që kur grupi i militantëve islamikë, “al Shabaab” nisi kryengritjen në vitin 2007. Megjithatë, as ai dhe as grupe të tjera xhihadiste nuk kanë marrë përsipër përgjegjësinë e këtyre sulmeve deri më tani. Por, “al Shabaab”, aleate me “al Qaeda”-n, ka qenë përgjegjëse e një sërë sulmesh në kryeqytetin e Somalisë, apo në zona të tjera të vendit.
Grupi ka nisur kryengritjen kundër qeverisë somaleze të mbështetur nga Kombet e Bashkuara, si dhe ndaj aleatëve të saj në Unionin Afrikan, me synimin për të vendosur në Somali interpretimin më ekstrem të Islamit. Militantët u zmbrapsën nga Mogadishu në vitin 2011, e prej atëherë po humbasin gjithnjë e më shumë territore, për shkak të forcave paqeruajtëse të Unionit Afrikan dhe forcave të sigurisë së Somalisë.
Të tjera
-
Zgjedhjet në Maqedoninë e Veriut, kështu do të ndahen mandatet në Kuvend
VMRO-DPME fitoi zgjedhjet parlamentare të 8 majit në Maqedoninë e Veriut. For...
-
Konjufca uron Ditën e Evropës: Kosova duhet të anëtarësohet pa kushte shtesë në KiE
Kryetari i kuvendit, Glauk Konjufca, ka marrë pjesë në pritjen e organizuar n...
-
Sot Dita e Evropës, festë zyrtare në Kosovë
Sot është Dita e Evropës, e cila tradicionalisht festohet më 9 maj të çdo vit...
-
Moti sot me vranësira e shi
Sot parashihet të mbajë mot me vranësira të shpeshta dhe intervale të shk...
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...