Lajme

Sokol Bashota del para gjykatës

Autori: Gazeta inFokus 09:11 | 18 October 2018

Ish-kryetari i Klinës, Sokol Bashota i cili akuzohet për keqpërdorim të detyrës zyrtare, pritet të dalë të enjten para Gjykatës.

Në këtë aktakuzë, bashkë me Bashotën janë edhe Enver Berisha, Fadil Gashi dhe Esat Raci.

Ata akuzohen se në bashkëkryerje kanë keqpërdorur pozitën dhe autoritetin zyrtar sepse në bashkëkryerje pasi kanë rënë dakord që së paku 6 nga 10 banesat në pronësi të Komunës së Klinës t’u caktojnë një çmim për qira për vetveten dhe për eksponentët e partive të tyre politike.

-Advertisement-

Sipas aktakuzës këtë e kishin bërë pa plotësuar kriteret objektive dhe duke i anashkaluar aplikuesit gjendja ekonomike e të cilëve ishte e keqe, raporton kallxo.com.

Mbi ish-kryetarin e Komunës së Klinës, Sokol Bashota, po ashtu rëndojnë edhe katër vepra penale për mosraportim apo raportim të rremë të pasurisë, të të ardhurave, dhuratave apo dobisë tjetër materiale apo detyrimeve financiare.

Herën e fundit kishte dështuar të mbahet gjykimi ndaj tij për shkak se Gjykata nuk e kishte ftuar në mënyrë të rregullt përfaqësuesin e Komunës së Klinës si palë të dëmtuar.

Subscribe në YouTube: GAZETA INFOKUSI

Të tjera

Fokusi

lajme