Lajme

Smajli: Automjete të FSK-së mund të shihen çdo ditë në rrugët e Kosovës, gazetarët duhet të informojnë me përgjegjësi, jo të krijojnë panik

Autori: Gazeta inFokus 10:16 | 15 September 2026

Gazetarja Hateme Smajli ka reaguar lidhur me raportimet për lëvizjet e automjeteve të Forcës së Sigurisë së Kosovës (FSK), duke bërë thirrje për qetësi, verifikim të informacionit dhe përgjegjësi profesionale në raportim, shkruan Gazeta Infokus.

Smali ka theksuar se në situata të ndjeshme, gazetarët duhet të jenë ata që bëjnë diferencën dhe të shmangin alarmimin e panevojshëm të qytetarëve.

“Automjete të FSK-së mund të shihen çdo ditë në rrugët e Kosovës, por kjo nuk do të thotë që çdo lëvizje e tyre duhet të filmohet e të prezantohet menjëherë si ‘gjendje gatishmërie’ apo si diçka e jashtëzakonshme”, ka shkruar ajo.

-Advertisement-

Sipas saj edhe nëse FSK-ja është në gjendje gatishmërie, një situatë e tillë është pjesë normale e funksionimit të një ushtrie dhe nuk duhet të përdoret për të krijuar frikë apo pasiguri te qytetarët.

“Nuk është hera e parë dhe as nuk do të jetë e fundit që ushtria apo policia janë në gatishmëri. Në situata të ndjeshme, përgjegjësia jonë si gazetarë është edhe më e madhe: të verifikojmë para se të publikojmë dhe të informojmë pa krijuar panik”, është shprehur Smajli.

Gazetarja ka paralajmëruar gjithashtu për rrezikun që raportimet e pakonfirmuara dhe alarmuese mund të shfrytëzohen nga grupe të ndryshme interesi për të nxitur frikë dhe pasiguri.

“Mjafton të veprojmë me qetësi dhe profesionalizëm, që pa vetëdije të mos bëhemi pjesë e propagandës apo e agjendave të grupeve të ndryshme të interesit, që mund të synojnë pikërisht krijimin e frikës dhe pasigurisë në dëm të Kosovës dhe qytetarëve të saj”, ka shkruar ajo.

Në fund Smajli ka shprehur shpresën që të burgosurit e ish-UÇK-së të kthehen të lirë në Kosovë.

“Presim që çlirimtarët të kthehen të lirë dhe faqebardhë në vendin e tyre”, ka përfunduar ajo./Gazeta Infokus

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy