Fokus

Skandaloze: Avokati i Basri Sejdiut jep detaje pse u largua nga lista për drejtor të ShSKUK-së: Do të ndërmarrim masa ligjore

Autori: H.Smajli 11:44 | 17 May 2023

Avokati i Basri Sejdiut, Florim Shefqeti ka konfirmuar për Gazetën Infokus se Sejdiu është larguar nga lista e ngushtë në garën për drejtor të Qendrës Klinike Universitare të Kosovës.

Shefqeti ka thënë se ai është larguar kundërligjshëm, duke mos u njoftuar fare, sepse sipas avokatit kur pushteti e kishte parë se ai e ka mundësinë të aplikojë ka kërkuar një opinion në lidhje me këtë nga Ministria e Punëve të Brendshme.

Sipas tij MPB-ja ka kthyer po atë ditë përgjigje duke thënë se Sejdiu, ish drejtor i QKUK-së duhet të largohet nga lista.

“Nuk e kane njoftu, kur e kanë pa që ky ka të drejtë me apliku pasi që është bërë verifikimi dhe është shpall lista e kanë largu, nuk kanë pasë alternativë ndryshe me largu dhe e kanë marrë gjoja një opinion në Ministri të Punëve të Brendshme dhe qat ditë që janë kanë dërgu, ja anë kthy menjëherë gjoja se s’ka të drejtë edhe pse kjo është e kundërligjshme”, ka thënë ai.

Kujtojmë që pjesë e kësaj liste është edhe një kandidat tjetër i afërt me partinë në pushtet për të cilin pas pak Gazeta Infokus do të sjellë detaje ekskluzive./Gazeta Infokus/

 

 

 

 

 

Etiketa:
TRAJTIMI I VENAVE VARIKOZE ME LASERIN ENDOVENOZ

Të tjera

Fokusi

fokus