Lajme

Skandal: Gazmend Muhaxhiri sheshin “Shkëlzen Haradinaj” e kthen në parking të “Hotel Dukagjinit”

Autori: Gazeta inFokus 13:25 | 31 Korrik 2017

Njëra nga rrugët kryesore që lidhet me qendrën e qytetit të Pejës, nuk do të jetë më në shërbim të qytetarëve por vetëm në shërbim të një hoteli.

Mund të duket e pabesueshme por rruga kryesore që lidh një pjesë të qytetit me qendrën tash e tutje do të shërbej vetëm si parking i “Hotel Dukagjinit”, pronar i të cilit është biznesmeni i njohur pejan Ekrem Lluka, shkruan Infokusi.com

Qendra e Pejës, saktësisht sheshi “Shkëlzen Haradinaj” që lidhet me rrugët kryesore të këtij qyteti është dhënë në shfrytëzim për parking të “Hotel Dukagjinit”.

-Advertisement-

E gjithë kjo pasi që vet kryetari i kësaj komune, Gazmend Muhaxheri ka dhënë në shfrytëzim këto hapësira për parkim të veturave të “Hotel Dukagjinit”.

Pjesa për të cilën bëhet fjalë është në zemër të Pejës, e cila ishte shumë e frekuentuar, gjë që ka ngjallur shumë pakënaqësi tek qytetarët.

Si rrjedhoje një qytetar ka dërguar një ankesë tek Infokusi.com, ku akuzat e tija rreth kësaj problematike i drejton tek kryetari i kësaj komune.

Ai thotë se pikërisht kryetari Muhaxhiri ka bllokuar këtë pjesë të Pejës për të siguruar një vend për veturat e “Hotel Dukagjinit”.

Sipas qytetarit që ka shprehur këtë pakënaqësi, marrëveshja në mes të kryetarit Gazmend Muhaxhirit dhe pronarit të “Hotel Dukagjinit”, Ekrem Llukës, ka paralizuar pjesën më qendrore dhe ka shkaktuar pakënaqësi tek të gjithë qytetarët.

Kryetari Muhaxhiri akuzohet se për interesat e këtij hoteli ka vështirësuar qarkullimin e lirë të të gjithë qytetarëve të Pejës.

Bllokimi i kësaj hapësire vlerësohet si shumë i dëmshëm për qytetarët e Pejës, ngase për vite të tëra njerëzit janë mësuar që të kalojnë përmes kësaj pjese./Infokusi.com