Lajme

S’kalon rezoluta e propozuar nga AAK-ja për çështjet e sigurisë

Autori: Gazeta inFokus 11:02 | 22 June 2022

Një rezolutë e propozuar nga Aleanca për Ardhmërinë e Kosovës për çështjet që lidhen me sigurinë e vendit s’ka gjetur përkrahje nga deputetët e Kuvendit.

75 deputetë kanë marrë pjesë në votim, prej tyre 25 kanë qenë pro dhe 50 kanë abstenuar.

Debati për këtë rezolutë është bërë në një nga seancat e mëparshme të Kuvendit.

-Advertisement-

Kjo është rezoluta që ka propozuar AAK-ja:
Qeveria e Republikës së Kosovës duhet ta ketë prioritet të parë çështjet që ndërlidhen me siguri;

· Të miratohet dhe procesohet sa më shpejt në Kuvendin e Republikës së Kosovës, Strategjia e Sigurisë Kombëtare të Kosovës;

· Ruajtja e Partneritetit Strategjik me SHBA në raport me forcimin e FSK-së;

· Njëkohësisht, sigurimi i të gjitha kushteve logjistike dhe armatimi i kësaj ushtrie me mjetet moderne;

· Mbështetja e plotë për Fondin e Sigurisë;

· Krijimi i tri kushteve normale për Policët:

o Pagë të dinjitetshme – miratimi i Ligjit të Pagave

o Sigurimi Shëndetësor për Policët e Kosovës

o Procedimi i Ligjit për Pensionim të Parakohshëm

· Mbështetja e vazhdueshme për Agjencinë e Kosovës për Inteligjencë.

Subscribe në YouTube: GAZETA INFOKUSI
Etiketa:

Të tjera

Fokusi

lajme