Lajme

Situata në veri, Kosova dhe Serbia takohen sot në Bruksel

Autori: Gazeta inFokus 07:09 | 29 September 2021

Delegacioni i Kosovës dhe ai i Serbisë do të takohen sot në Bruksel në kuadër të procesit dialogut, në kohën kur tensionet në veri janë ngritur pas reciprocitetit për targat e automjeteve.

Zëdhënësi i Komisionit Evropian, Peter Stano në një përgjigje për KosovaPress ka konfirmuar takimin duke thënë se do të mbështesin Kosovën dhe Serbinë për qetësimin e situatës dhe gjetjen e një zgjidhje.

“Mund të konfirmoj se takimi i kryenegociatorëve do të mbahet në Bruksel të mërkurën”, tha ai.

-Advertisement-

Kryeministri i Kosovës, Albin Kurti propozoi të hënën që të dyja vendet të heqin aplikim e targave të përkohshme.

“Nuk ia vlen të kemi targa të përkohshme edhe Republika e Kosovës edhe Republika e Serbisë, po i heqim ato të dyja palët”, tha Kurti.

Partitë opozitare dhe njohësit e procesit të dialogut kërkojnë që Kosova të ketë qëndrueshmëri dhe mos të heqë dorë nga reciprociteti për targat.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme