Lajme

Situata në veri, Hoti: Veprimet e Qeverisë të drejta por nuk e kanë përkrahjen e miqve, kjo politikë e saj nuk i shërben interesave të Kosovës

Autori: Gazeta inFokus 16:05 | 06 November 2022

Deputeti i LDK-së, Avdullah Hoti, ka thënë se Kosova në çdo veprim në 30 vitet e fundit për ta mbrojtur shtetin ka pasur të drejtë, por që përpjekjet kanë pasur sukses vetëm kur janë koordinuar dhe mbështetur nga miqtë euro-atlantik.

Përmes një postimi në Facebook, ai ka thënë se Kosova ka të drejtë për targat por që për kohën e ndërmarrjes së këtyre veprimeve nuk e ka mbështetjen e miqve.

Hoti ka shtuar se nëse veprimet e Qeverisë që janë të drejta por për momentin nuk e kanë përkrahjen e miqve dhe çojnë në situatë kur në vend të institucione të Kosovës aktivizohet KFOR-i e EULEX-i për të ruajtur rendin dhe sigurinë në veri, atëherë jo politikë e Qeverisë nuk i ka shërbyer interesave të shtetit të Kosovës

-Advertisement-

Postimi i tij i plotë:

Kosova ka pasur gjithmonë të drejtë në çdo veprim që ka ndërmarrë në 30 vitet e fundit në përpjekjet e veta për të fituar fillimisht lirinë, e mandej shtetin e pavarur dhe fuqizuar sovranitetin shtetëror, rendin dhe ligjin. Por përpjekjet tona kanë pasur sukses vetëm kur janë koordinuar dhe mbështetur nga miqtë euro-atlantik. Ne e kemi shpallur njëherë pavarësinë në fillim të viteve të ‘90-ta. Mandej e kemi shpallur prapë më 2008, për shkak se herën e parë nuk ka pasur mbështetje nga miqtë.

Në veprimet e ndërmarra lidhur me targat e automjeteve në komunat në veri, Kosova ka plotësisht të drejtë. Këtë e kanë konfirmuar edhe miqtë. Por është e qartë se Kosova nuk e ka mbështetjen e miqve për kohën e ndërmarrjes së këtyre veprimeve.

Nëse këto veprime të Qeverisë, që janë të drejta por që nuk e kanë mbështetjen e miqve vetëm sa i përket kohës së ndërmarrjes së tyre, çojnë në situatë kur në vend të institucione të Kosovës aktivizohet KFOR-i e EULEX-i për të ruajtur rendin dhe sigurinë në ato komuna, atëherë është e qartë se kjo politikë e Qeverisë nuk i ka shërbyer interesave të shtetit të Kosovës.

Subscribe në YouTube: GAZETA INFOKUSI
Fillon aplikimi për Global Engineer Girls Kosova
-Advertisement-

Të tjera

Fokusi

lajme