Lajme

Situata e tensionuar në Veri, Lajçak dhe Escobar me 5 dhe 6 qershor në Prishtinë e Beograd

Autori: Gazeta inFokus 17:56 | 03 June 2023

Zëdhënësi i Bashkimit Evropian, Peter Stano ka deklaruar se përfaqësuesi special i BE-së, Miroslav Lajçak dhe dërguarin e SHBA-së, Gabriel Escobar, do të qëndrojnë të hënën dhe të martën në Kosovë dhe Serbi, ku do të angazhohen për de-përshkallëzimin e tensioneve në veri të Kosovës.

Stano ka thënë se përfaqësuesi i BE-së dhe ai i ShBA-ve, të hënën do të jenë në Kosovë.

“Mund të konfirmoj se përfaqësuesi special i BE-së, Miroslav Lajçak do të shkojë në Prishtinë dhe Beograd të hënën dhe të martën, së bashku me të dërguarin e SHBA-së, Gabriel Escobar, për të ndjekur thirrjet e nivelit më të lartë të BE-së për de-përshkallëzimin e tensioneve në veriun e Kosovës. Përshëndetjet më të mira”, ka thënë ai për KosovaPress.

Ndërkohë, sipas burimeve të KosovaPress-it, ata do ta kenë një vizitë edhe në veri të vendit.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

BURSA të plota në Infermieri dhe PUNËSIM në Gjermani ofrohen nga UNI-Universum International College dhe Klinika Gjermane “Knappschaft”

Të tjera

Fokusi

lajme