Shëndetësi

Si të zvogëloni rrezikun nga sulmi në tru

Autori: Gazeta inFokus 17:43 | 15 April 2019

Sulmi në tru po paraqitet gjithnjë e më herët dhe në rrezik më të lartë janë njerëzit e moshës midis 40 dhe 50-vjeç.

Ekspertët besojnë se obeziteti, stili i ulur i jetesës, aktiviteti i parakohshëm fizik dhe sëmundjet kronike siç janë hipertensioni ose diabeti ndikojnë më së shumti në rrezikun nga sulmi në tru.

Kontrolli i peshës

-Advertisement-

Për fat të mirë, sulmi në tru mund të parandalohet ose të paktën të reduktohet ndjeshëm.

Kontrolloni nivelin e kolesterolit – niveli i lartë i kolesterolit të keq (LDL) dhe niveli i ulët i kolesterolit të mirë (HDL) rrisin rrezikun nga mbyllja e arterieve, e cila pengon rrjedhjen normale të gjakut dhe rrit rrezikun e sulmit në tru.

Marrja e kontrolluar e yndyrës së ngopur ulë nivelin e kolesterolit të keq dhe ushtrimet e rregullta rrisin nivelin e kolesterolit të mirë.

Rrahjet e zemrës

Aritmia rrit rrezikun për pesë herë për sulm në tru. Nëse vëreni se zemra juaj ka rrahje të parregullta, konsultohuni me mjekun tuaj.

Ndaloni pirjen e duhanit

Pirja e duhanit negativisht ndikon në elasticitetin e enëve të gjakut, pasi ato bëhen të ngurta dhe ky zakon i keq njëkohësisht rrit rrezikun e formimit te mpiksjes se gjakut dhe ndikon në zhvillimin e hipertensionit, i cili është faktori më i rëndësishëm për rrezikun e sulmit në tru. Por, shumë studime kanë treguar se pas ndërprerjes së duhanit, rreziku reduktohet dhe kthehet në nivelin e jo duhanpirësit për rreth pesë deri në dhjetë vjet.

Aktiviteti fizik

Çelësi për parandalimin e sulmit në tru është aktiviteti fizik, pasi ai ndikon në zvogëlimin e presionit të gjakut dhe kontrollin e peshës së trupit. Ekspertët rekomandojnë ushtrime rreth 30 minuta pesë herë në javë.

Kripa dhe alkooli

Kufizoni konsumin e kripës dhe alkoolit. Kur zvogëloni konsumimin e kripës, veprimi i faktorit të dytë më të madh të rrezikut për goditje në tru do të reduktohet. Alkooli mund të prishë ndjeshëm presionin e gjakut, gjë që gjithashtu rrit rrezikun e sulmit në tru.

Stresi dhe depresioni

Megjithëse marrëdhënia midis stresit, depresionit dhe sulmit në tru ende nuk është përcaktuar plotësisht, është vërejtur se këto kushte mund të jenë shënjues për zbulimin e rrezikut të dëmtimit të trurit.

U zbulua se njerëzit në depresion rrezikon dy herë më shumë nga sulmi në tru. Vizitoni mjekun nëse keni sëmundje të tjera si sëmundja koronare e zemrës, diabeti, kolesteroli i lartë, fibrilacioni atrial, transmeton KosovaPress.

Simptomat e sulmit në tru

Dobësia e funksioneve motorike

Paaftësia për të ecur dhe qëndruar

Të vjella që përkeqësohen me ndryshimin e pozicionit të kokës dhe trupit

Vështirësia e shqiptimit të fjalëve, pamundësia për të folur ose keqinterpretimi i fjalimit të një tjetri

Çrregullimi i vizionit, pamja e dyfishtë, humbja e vizionit në një ose të dy sytë.

Faktorët e rrezikut

Nivele të larta të kolesterolit dhe triglicerideve në gjak

– presion të lartë të gjakut

– pirja e duhanit

– diabeti

– mbipesha

– aktivitet i ulët fizik

– konsumi i tepërt i alkoolit

– çrregullime të zemrës dhe gjakut.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera